Delhi Tihar Jail Gang War: दिल्लीच्या तिहार कारागृहात कैद्यांमध्ये पुन्हा टोळीयुद्ध; 21 कैदी जखमी

Delhi Tihar Jail Gang War: देशाची राजधानी दिल्लीतील (Delhi) तिहार तुरुंगातील (Tihar Jail) कैद्यांमध्ये पुन्हा एकदा टोळीयुद्ध (Gang War) सुरू झाले आहे. यामध्ये सुमारे 21 कैदी जखमी झाले आहेत. तुरुंग प्रशासनाकडून मिळालेल्या माहितीनुसार, तिहार तुरुंग क्रमांक 8 मध्ये कैदी एकमेकांशी भिडले. यादरम्यान अनेक कैद्यांनी मारामारीत स्वत:ला जखमी केले.

कैद्यांच्या हालचालींवर लक्ष ठेवण्यासाठी तिहारमध्ये सर्वत्र सीसीटीव्ही कॅमेरे लावण्यात आले आहेत. असे असतानाही अशा घटना समोर येत आहेत. सुरक्षेच्या दृष्टीने कारागृहातील वॉर्डांची तीन श्रेणींमध्ये विभागणी करण्यात आली आहे. (हेही वाचा - Gangwar In Tihar Jail: तिहार जेलमध्ये पुन्हा गँगवार, दोन्ही गटातील हाणामारीत कैदी जखमी)

यामध्ये जनरल वॉर्ड, स्पेशल सिक्युरिटी वॉर्ड आणि हाय रिस्क सिक्युरिटी वॉर्डचा समावेश आहे. एकूण 975 कॅमेऱ्यांद्वारे कारागृहावर नजर ठेवण्यात येत आहे. यासोबतच 80 अधिकाऱ्यांशिवाय एक हजारहून अधिक तुरुंग कर्मचारी तैनात आहेत. देशातील सर्वात सुरक्षित तुरुंगांपैकी एक असलेले तिहार तुरुंग सध्या गुन्ह्यांचा अड्डा बनले आहे.

दरम्यान, कारागृहातून टोळीयुद्ध आणि मारामारीची प्रकरणे समोर येत आहेत. इतकेच नाही तर अलीकडे कारागृहात कैद्यांची निर्घृण हत्या झाल्याच्या बातम्याही समोर आल्या आहेत. अशा घटना पाहता कारागृहाची सुरक्षा केवळ कागदावरच आहे, असे म्हटल्यास वावगे ठरणार नाही.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)