QuickLY
Socially
2018 हे वर्ष गाजले ते म्हणजे बॉलीवूड सेलेब्जच्या लग्नाने. मागच्या वर्षी लग्नाचे फार कमी मुहूर्त होते त्यामुळे अगदी दीपिका, सोनम, प्रियंका पासून ते कपिल शर्मा अशा अनेकांनी आपले शुभमंगल उरकून टाकले. आता नव्या वर्षात पहिल्या महिन्यात अजून एका सेलिब्रिटीचे लग्न होऊ घातले आहे. हा अभिनेता म्हणजे राज बब्बर आणि स्मिता पाटील यांच्या पुत्र प्रतिक बब्बर (Prateik Babbar). 32 वर्षीय प्रतिक आपली प्रेयसी सान्या सागर (Sanya Sagar) हिच्यासोबत लग्नबंधनात अडकणार आहे. हा विवाहसोहळा 22 आणि 23 जानेवारी रोजी संपन्न होईल.
गेली दोन वर्षे प्रतिक आणि सान्या एकमेकांना डेट करत होते. मागच्या वर्षी जानेवारीमध्ये प्रतिक आणि सान्या यांचा साखरपुडा पार पडला.
View this post on Instagram
#gymdate thats gone well so far!! #birthdayboy @ryan101982 thanks for the picture
सान्या ही व्यवसायाने लेखक आणि दिग्दर्शक आहे. सान्याने नॅशनल इन्स्टीट्यूट ऑफ फॅशन टेक्नोलॉजीमधून फॅशन कम्युनिकेशनमध्ये गॅज्युएशन केले आहे. त्यानंतर लंडनच्या फिल्म अकादमीमधून तिने फिल्म मेकिंगचा डिप्लोमा केला.
प्रतिकचे वडील राज बब्बर हे कॉंग्रेसचे मोठे नेते आहेत, तर सान्याचेही वडील पवन सागर राजकारणात सक्रीय आहेत. लखनऊ येथे हा विवाहसोहळा पार पडणार आहे. त्यानंतर मुंबई येथे लग्नाचे रिसेप्शन होईल.
