Dono Trailer (PC - You Tube)

Dono Trailer Out: 'गदर 2' अभिनेता सनी देओल (Sunny Deol) चा मोठा मुलगा करण देओलनंतर आता धाकटा मुलगा राजवीर (Rajveer Deol) इंडस्ट्रीत अभिनेता म्हणून आपल्या करिअरला सुरुवात करणार आहे. सूरज बडजात्याच्या प्रोडक्शन हाऊसमध्ये बनलेल्या 'दोनो' या चित्रपटातून तो बॉलिवूडमध्ये पदार्पण करत आहे. या चित्रपटाचे पोस्टर आणि टीझर गेल्या महिन्यातच प्रेक्षकांच्या समोर आले आहे. या चित्रपटाच्या टीझरमध्ये राजवीर देओलची पहिली झलक पाहिल्यानंतर चाहते पूर्ण ट्रेलर पाहण्यासाठी खूप दिवसांपासून वाट पाहत होते. आता ही प्रतीक्षा अखेर संपली आहे, कारण 'दोनो'चा रोमँटिक ट्रेलर चाहत्यांच्या समोर आला आहे.

राजश्री प्रॉडक्शनच्या बॅनरखाली बनलेली 'दोनो' ही एक रोमँटिक प्रेमकथा आहे. सनी देओलच्या लाडक्या राजवीरची व्यक्तिरेखा ट्रेलरमध्ये अतिशय लाजाळू असल्याचे दाखवण्यात आले आहे, जो त्याच्या जिवलग मैत्रिणीवर प्रेम करतो, परंतु तो तिच्यासमोर आपल्या भावना व्यक्त करण्यास कचरतो. जेव्हा राजवीरची मैत्रिण त्याला लग्नासाठी आमंत्रित करतात तेव्हा तो पलोमाला भेटतो. जिचे सहा वर्षांचे नाते संपुष्टात आले होते. दोन तुटलेली ह्रदये एकमेकांच्या कशी जवळ येतात, इथूनच 'दोनो'ची कथा पुढे सरकते. 'दोनो'चा 2 मिनिटे 51 सेकंदांचा ट्रेलर खूपच स्मूथ आहे. या चित्रपटातील गाण्यांची काही झलकही चाहत्यांना ट्रेलरमध्ये पाहायला मिळत आहे. (हेही वाचा - Rana Daggubati On Allu Arjun: राष्ट्रीय पुरस्कार जिंकल्यानंतर अल्लू अर्जुन राणाची टिप्पणी; 'जय भीम' वादावर केलं 'हे' वक्तव्य)

सनी देओलचा धाकटा मुलगा राजवीर व्यतिरिक्त पूनम ढिल्लनची मुलगी पलोमाही या चित्रपटातून बॉलिवूडमध्ये पदार्पण करत आहे. याशिवाय सूरज बडजात्या यांचा मुलगा अवनीश एस. बडजात्याही 'दोनो' या रोमँटिक चित्रपटातून दिग्दर्शक म्हणून आपला प्रवास सुरू करणार आहे. या ट्रेलरमध्‍ये प्रेक्षक राजवीर आणि पलोमाच्‍या फ्रेश जोडीला लोक पसंत करत आहेत. दोन मिनिटांच्या या ट्रेलरला जवळपास 2 लाख 75 हजार व्ह्यूज मिळाले आहेत. एका यूजरने कमेंट केली की, "राजवीर, अविनाश आणि पलोमा, किती टॅलेंट आहे. मी तुमचा फॅन झालो आहे, हा ट्रेलर खरोखरच छान आहे."

दुसर्‍या यूजरने लिहिले की, "येत्या काळात राजवीर देओल इंडस्ट्रीवर राज्य करेल". आणखी एका युजरने लिहिले की, "वाह, अतिशय ताजे संगीत आणि अतिशय अनोखी प्रेमकथा, राजीव देओल खूपच देखणा दिसत आहे. हा चित्रपट पाहण्यासाठी मी खूप उत्सुक आहे. हा चित्रपट 5 ऑक्टोबरला थिएटरमध्ये प्रदर्शित होणार आहे.