Gadar 2 Box Office Collection: 'गदर 2' चित्रपटाची 300 कोटींच्या क्लबमध्ये एन्ट्री

सनी देओलच्या 'गदर 2' चित्रपटाची धमाकेदार कमाई अजूनही सुरूच आहे. या चिया चित्रपटाची जादू चाहत्यांच्या मनावर पसरली आहे. 'गदर 2'चे दिवसाआड वाढणारे कलेक्शन पाहता आता हा चित्रपट नक्कीच नवा विक्रम रचू शकतो, असा अंदाज लावला जात आहे. आता या चित्रपटाचे आठव्या दिवसाचे कलेक्शन समोर आले आहे. त्याबरोबरच ‘गदर 2’ने 300 कोटींच्या क्लबमध्ये धडाकेबाज एन्ट्री घेतली आहे. आज शनिवार आणि उद्या रविवार सुट्टी असल्याने या दोन दिवसात देखील चित्रपट मोठी कमाई करु शकतो अशी शक्यता आहे. या चित्रपटाने कमाईच्या बाबतीत अनेक नवे विक्रम केले असून या चित्रपटासोबत रिलीज झालेल्या ओएमजी 2 अजूनही कमाईच्या बाबतीत गदरच्या खूपच मागे आहे.

'गदर 2'चे आठव्या दिवसाचे कलेक्शन समोर आले आहे. या चित्रपटाने आता 300 कोटींच्या क्लबमध्ये प्रवेश केला आहे. सनी देओल आणि अमीषा पटेल यांच्यासाठी हा पहिला विकेंड अतिशय दमदार ठरला आह. एका आठवड्यात या चित्रपटाने 283 कोटींचा गल्ला जमवला आहे. दुसऱ्या आठवड्याच्या पहिल्या दिवशी अर्थात शुक्रवारी 19.50 कोटींचा व्यवसाय केला आहे. या चित्रपटाने आतापर्यंत 304 कोटींची कमाई ही केली आहे. आता दुसऱ्या आठवड्यातही हा चित्रपट एखादा नवा विक्रम रचू शकतो.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)