Fardeen Khan and Natasha: फरदीन खान आणि नताशा माधवानीच्या वैवाहिक जीवनाला तडा; 18 वर्षांनंतर होत आहेत विभक्त
'ई-टाइम्स'च्या वृत्तानुसार, गेल्या काही काळापासून अभिनेत्याच्या वैवाहिक जीवनात अडचणी वाढल्या आहेत. अभिनेता फरदीन खान आणि त्याची पत्नी नताशा माधवानी यांनी लग्न मोडण्याचा निर्णय घेतला आहे. हे जोडपे बऱ्याच दिवसांपासून वेगळे राहत होते.
Fardeen Khan and Natasha: बॉलिवूड अभिनेता फरदीन खान (Fardeen Khan) ने चॉकलेट बॉय या चित्रपटाद्वारे बॉलिवूड इंडस्ट्रीमध्ये लोकांच्या हृदयात जबरदस्त स्थान निर्माण केले. या अभिनेत्याने इंडस्ट्रीत अनेक चित्रपटांमध्ये काम केलं आहे. मात्र, त्याला योग्य तो दर्जा मिळाला नाही. सध्या हा अभिनेता पुन्हा एकदा चर्चेत आला आहे. वास्तविक, अभिनेत्याच्या वैयक्तिक आयुष्याबाबत अशी बातमी आहे की तो आपल्या पत्नीपासून वेगळा होणार आहे.
'ई-टाइम्स'च्या वृत्तानुसार, गेल्या काही काळापासून अभिनेत्याच्या वैवाहिक जीवनात अडचणी वाढल्या आहेत. अभिनेता फरदीन खान आणि त्याची पत्नी नताशा माधवानी (Natasha Madhavani) यांनी लग्न मोडण्याचा निर्णय घेतला आहे. हे जोडपे बऱ्याच दिवसांपासून वेगळे राहत होते. फरदीन खान त्याच्या आईसोबत मुंबईत राहतो, तर नताशा लंडनमध्ये राहते. (हेही वाचा - Sanjay Dutt: 'Leo' सिनेमातील संजय दत्तचा फर्स्ट लूक समोर, बाबा गँगस्टरच्या भूमिकेत दिसणार)
नताशा माधवानी आणि फरदीन खान यांनी 2005 मध्ये लग्न केले होते. या दोघांच्या लग्नाला अनेक बॉलिवूड स्टार्स आणि मोठ्या व्यक्तींनी हजेरी लावली होती. या दाम्पत्याला एक मुलगी आणि एक मुलगा अशी दोन मुले आहेत. बातम्यांनुसार, आता लग्नाच्या 18 वर्षांनंतर हे कपल त्यांचे लग्न कायमचे संपवत आहे.
तथापि, या जोडप्यामध्ये मतभेद कशामुळे झाले हे अद्याप स्पष्ट झालेले नाही. पण, आता दोघांनीही वेगळे होण्याचा निर्णय घेतला आहे. या संदर्भात दोघांशी बोलण्याचा प्रयत्न केला असता त्यांनी सध्या काहीही बोलायचे नसल्याचे सांगितले आहे, असेही वृत्तात म्हटले आहे.
(The above story first appeared on LatestLY on Jul 30, 2023 04:53 PM IST. For more news and updates on politics, world, sports, entertainment and lifestyle, log on to our website latestly.com).
