Zombie Deer Disease: कॅनडात प्राण्यांना होतोय "झोम्बी डियर रोग", मानवांनाही संक्रमण होण्याची शक्यता

Zombie Deer Disease: कॅनडातील शास्त्रज्ञांनी "झोम्बी डियर रोग" म्हणून ओळखल्या जाणाऱ्या जीवघेण्या संसर्गाच्या प्रसाराबद्दल चिंता व्यक्त केली आहे. "झोम्बी डियर रोग" हा रोग लवकरच मानवांना संक्रमित करू शकतो. "झोम्बी डियर रोग" या रोगाचे खरे नाव क्रॉनिक वेस्टिंग डिसीज असे आहे. ही एक संसर्गजन्य न्यूरोलॉजिकल स्थिती जी संक्रमित झालेल्या प्रत्येक प्राण्याला मारते आहे. संपूर्ण यूएस मधील हरणांच्या लोकसंख्येमध्ये संसर्ग वेगाने पसरत आहे. द गार्डियनच्या मते, कॅनडाच्या ब्रिटिश कोलंबिया भागात  त्याचा प्रसार रोखण्यासाठी एक धोरण जारी केले आहे. जानेवारीच्या शेवटी दोन प्रकरणांची पुष्टी झाल्यानंतर अधिकारी वेगाने या आजाराला रोखण्यासाठी उपाय योजना करत आहेत. अधिकाऱ्यांनी रस्त्यावर मारले गेलेले हरण,उंदीर, एल्क आणि कॅरिबू यांच्या चाचणीचे आदेश दिले आहेत. या रोगामुळे पाणी  झोम्बी सारखा वागायला लागतात. कॅनडामध्ये, सस्कॅचेवान, अल्बर्टा आणि क्यूबेकमधील हरणांच्या लोकसंख्येमध्ये तसेच मॅनिटोबामधील वन्य हरणांमध्ये हा रोग वेगाने पसरत आहे.

 यूएस मध्ये, यलोस्टोन राष्ट्रीय उद्यानात देशातील पहिले प्रकरण नोंदवले गेले. कॅनडामधील आरोग्य अधिकाऱ्यांनी म्हटले आहे की, हा रोग मानवांना होऊ शकतो याचा “कोणताही थेट पुरावा नाही”. परंतु कॅल्गरीच्या पशुवैद्यकीय शाळेतील युनिव्हर्सिटीच्या हर्मन शॅट्झल यांनी सांगितले की, मॅकाकवरील मागील संशोधनानुसार प्राइमेट्समध्ये रोगाचा प्रसार शक्य आहे. "आमच्या प्रायोगिक मॉडेल्समध्ये, CWD मुळे मानवांना संसर्ग होण्याची दाट शक्यता आहे. यापूर्वी कधी असे घडले आहे का? असा कोणताही सकारात्मक पुरावा नाही जिथे तुम्ही म्हणू शकाल की एखाद्या माणसाला हरणीचे मांस खाल्ल्याने हा प्रिओन रोग झाला. पण भविष्यात असे होईल का? बहुधा, होय," त्यांनी द गार्डियनला सांगितले.