Ravichandran Ashwin आढळला Corona Positive, इंग्लंडविरुद्धच्या कसोटी सामन्यासाठी असणार अनुपस्थित

भारतीय संघ (Team India) एक कसोटी, तीन एकदिवसीय आणि तीन टी20 सामन्यांच्या मालिकेसाठी इंग्लंडच्या दौऱ्यावर आहे. दरम्यान, भारतीय संघासाठी एक वाईट बातमी समोर आली आहे. वरिष्ठ ऑफस्पिनर रविचंद्रन अश्विन कोरोना पॉझिटिव्ह असल्याचे समोर आले आहे. अशा परिस्थितीत आता अश्विन संघ सहकाऱ्यांसोबत युनायटेड किंगडमला रवाना होऊ शकत नाही. तो पाचवी कसोटी खेळणार की नाही याबाबत साशंकता कायम आहे. तो सध्या क्वारंटाईनमध्ये आहे आणि सर्व प्रोटोकॉल आवश्यकता पूर्ण केल्यानंतरच तो संघात सामील होईल.  बीसीसीआयच्या सूत्रांनी दिलेल्या माहितीनुसार अश्विन संघासह ब्रिटनला गेला नसल्याची शक्यता आहे.

जाण्यापूर्वी त्यांची कोविड-19 चाचणी झाली, ज्यामध्ये त्यांना संसर्ग झाल्याचे आढळून आले. 1 जुलैपासून सुरू होणाऱ्या कसोटी सामन्यापूर्वी तो बरा होईल, अशी आशा सूत्राने व्यक्त केली आहे. प्रशिक्षक राहुल द्रविड, कर्णधार रोहित शर्मा, ऋषभ पंत आणि श्रेयस अय्यर वगळता इतर सर्व खेळाडू 16 जून रोजी लंडनला पोहोचले होते. यानंतर हिटमॅन 18 जूनला लंडनला पोहोचला.

आता सर्व खेळाडू लेस्टरला पोहोचले आहेत. येथे टीम इंडिया 24 जूनपासून कौंटी टीम लीसेस्टरविरुद्ध चार दिवसीय सराव सामना खेळणार आहे. त्याचवेळी आफ्रिका मालिका संपल्यानंतर प्रशिक्षक द्रविड, श्रेयस अय्यर आणि ऋषभ पंत सोमवारी लीसेस्टरला पोहोचले.

इंग्लंडविरुद्धच्या कसोटी सामन्यासाठी भारतीय संघ

रोहित शर्मा (कर्णधार), केएल राहुल (उपकर्णधार), शुभमन गिल, विराट कोहली, श्रेयस अय्यर, हनुमा विहारी, चेतेश्वर पुजारा, ऋषभ पंत (विकेटकीपर), केएस भरत (विकेटकीपर), रवींद्र जडेजा. , शार्दुल ठाकूर, मोहम्मद शमी, जसप्रीत बुमराह, मोहम्मद सिराज, उमेश यादव, प्रसिद्ध कृष्णा.