Rashid Khan Throws His Bat in Anger: करीम जनातने दुहेरी रन घेण्यास नकार देताच रशीद खान संतापला, रागातच मैदानात बॅट फेकली (Watch Video)
अफगाणिस्तान विरुद्ध बांगलादेश ICC T20 विश्वचषक 2024 सुपर 8 सामन्यात करीम जनातने दुहेरी रन घेण्यास नकार दिल्यानंतर रशीद खान भलताच संतापलेला पहायला मिळाला. त्या रागात रशीदने त्याची बॅट मैदानात फेकली. अफगाणिस्तानची फलंदाजी सुरू असताना पहिल्या डावाच्या शेवटच्या षटकात ही घटना घडली.
Rashid Khan Throws His Bat in Anger: आज मंगळवारी 25 जून रोजी अफगाणिस्तान विरुद्ध बांगलादेश (AFG vs BAN)आयसीसी टी -20 विश्वचषक 2024 (AFG vs BAN T20 World Cup 2024)सुपर 8 सामना खेळला जात आहे. सामन्या दरम्यान, अफगानिस्तानच्या खेळाडूंमधे दुहेरी रन घेण्यावरून वातावरण तापल्याची दृश्य समोर आली आहेत. जेव्हा रशीद खानने नॉन स्ट्राईकवर असलेल्या करीम जनातला रन घेण्यास सांगितले. मात्र, करीम जनातने रशीदला रन घेण्यापासून रोखले. तेव्हा संतापलेल्या रशीदने त्याची बॅट मैदानावरच(Rashid Khan Throws His Bat ) फेकली. अफगाणिस्तानची फलंदाजी सुरू असताना पहिल्या डावाच्या शेवटच्या षटकात ही घटना घडली.(हेही वाचा: AFG VS BAN T20 WC: अफगाणिस्तानने बांगलादेश समोर ठेवले 116 धावांचे लक्ष्य, आता दोन्ही संघात वाढली सेमी फायनलसाठी चुरस)
तंजीम साकिबच्या चेंडूवर 'हेलिकॉप्टर' शॉट मारण्याच्या प्रयत्नात राशिदने चेंडू हवेत उंच फेकला होता. यादरम्यान रशीदने धाव पूर्ण करण्यासाठी नॉन स्ट्रायकवरच्या टोकाकडे धाव घेतली आणि आणखी एक रन घेण्याचा प्रयत्न केला. मात्र, करीम जनातने त्याला हाताने थांबण्याचा इशारा केला.
दरम्यान, अफगाणिस्तानचा कर्णधार राशिद खानला राग आला आणि त्याने जवळपास अर्धे अंतर धावल्यानंतर आपली बॅट जमिनीवर फेकली. नंतर जनातने बॅट उचलून त्याला दिली. पण रशीद करीम जनातसोबत बोलण्याच्या मनस्थितीत नव्हता. तो बॅट घेऊन निघून गेला.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)