Suryakumar Yadav Press Conference: ऋतुराज गायकवाडला का मिळत नाही संधी, कॅप्टन सूर्यकुमार यादवने दिले स्पष्टीकरण
ऋतुराज गायकवाडने भारतासाठी आतापर्यंत 23 टी-20 सामने खेळले आहेत, ज्यात त्याने 39.6 च्या सरासरीने धावा केल्या आहेत. आतापर्यंत त्याने 20 डावात फलंदाजी करताना 633 धावा केल्या आहेत.
Suryakumar Yadav Press Conference: ऋतुराज गायकवाड लवकरच राष्ट्रीय संघात स्थान मिळवू शकेल, असा विश्वास भारतीय टी-20 संघाचा कर्णधार सूर्यकुमार यादव याने व्यक्त केला आहे. गायकवाड शेवटचा झिम्बाब्वेविरुद्धच्या मालिकेत खेळताना दिसला होता, मात्र दक्षिण आफ्रिकेविरुद्धच्या मालिकेसाठी त्याला संघात स्थान मिळालेले नाही. आता सूर्यकुमारने सांगितले आहे की गायकवाडला टीम इंडियातून वगळणे हा निवड प्रक्रियेचा एक भाग आहे. भारत-दक्षिण आफ्रिका टी-20 मालिका 8 नोव्हेंबरपासून सुरू होत आहे. (हेही वाचा - RCB Women Retained Players List WPL 2025: चॅम्पियन RCB ची रिटेंशन यादी जाहीर, स्मृती मानधनासह 14 खेळाडू कायम )
8 नोव्हेंबर रोजी दक्षिण आफ्रिकेविरुद्धच्या पहिल्या टी-20 सामन्यापूर्वी कर्णधार सूर्यकुमार यादवने पत्रकार परिषदेत सांगितले की, "ऋतुराज हा एक उत्कृष्ट खेळाडू आहे आणि त्याने आतापर्यंत कोणत्याही फॉर्मेटमध्ये चांगली कामगिरी केली आहे. मला वाटते की व्यवस्थापनाने एक रुटीन प्रकाराने हा निर्णय घेतला आहे. तो सध्या चांगला खेळत असून लवकरच त्याला संधी मिळेल."
T20 मध्ये मोठा विक्रम
ऋतुराज गायकवाडने भारतासाठी आतापर्यंत 23 टी-20 सामने खेळले आहेत, ज्यात त्याने 39.6 च्या सरासरीने धावा केल्या आहेत. आतापर्यंत त्याने 20 डावात फलंदाजी करताना 633 धावा केल्या आहेत. या 20 डावांमध्ये त्याने एक शतक आणि चार अर्धशतकेही झळकावली आहेत. याशिवाय, आयपीएल आणि इतर देशांतर्गत लीग सामने एकत्र घेतल्यास, गायकवाडने आपल्या T20 कारकिर्दीत 140 सामने खेळले आहेत आणि 4,751 धावा केल्या आहेत. या फॉरमॅटमध्येही त्याने 6 शतके झळकावली आहेत.
झिम्बाब्वेविरुद्धच्या मालिकेतही रुतुराज गायकवाड टीम इंडियासाठी सर्वाधिक धावा करणाऱ्या फलंदाजांपैकी एक होता. त्याने झिम्बाब्वे दौऱ्यावर 77 आणि 49 धावांची खेळी खेळून छाप पाडली. असे असतानाही अजित आगरकर यांच्या नेतृत्वाखालील निवड समितीने गायकवाडला दक्षिण आफ्रिकेविरुद्धच्या मालिकेत संधी दिलेली नाही.
(The above story first appeared on LatestLY on Nov 07, 2024 10:33 PM IST. For more news and updates on politics, world, sports, entertainment and lifestyle, log on to our website latestly.com).
