‘क्रिकेट सोड, वडिलांसोबत रिक्षा चालव’, IPL 2019 मधील खराब कामगिरीनंतर टीम इंडियाच्या ‘या’ स्टार मॅच-विनरला हे ऐकावे लागले
भारतीय संघाचा स्टार गोलंदाज मोहम्मद सिराजसाठी आयपीएल 2019 सीजन फारच खराब राहिला होता, ज्यानंतर त्याला क्रिकेट सोडून वडिलांसोबत ऑटो चालवण्यास सांगण्यात आले. या टिप्पण्यांनंतर सिराजला त्याच्या क्रिकेट कारकिर्दीबद्दल खूप काळजी वाटू लागली होती आणि त्याला असे वाटले होते की तो पुन्हा कधीही क्रिकेट खेळू शकणार नाही.
भारतीय संघाचा स्टार गोलंदाज मोहम्मद सिराजसाठी (Mohammed Siraj) आयपीएल (IPL) 2019 सीजन फारच खराब राहिला होता, ज्यानंतर त्याला क्रिकेट सोडून वडिलांसोबत ऑटो चालवण्यास सांगण्यात आले. या टिप्पण्यांनंतर सिराजला त्याच्या क्रिकेट कारकिर्दीबद्दल खूप काळजी वाटू लागली होती आणि त्याला असे वाटले होते की तो पुन्हा कधीही क्रिकेट खेळू शकणार नाही. सिराजने सांगितले की, अशा परिस्थितीत महेंद्र सिंह धोनीच्या (Mahendra Singh Dhoni) शब्दांनी त्याला खूप आधार दिला. सिराजने 2019 च्या आयपीएलमध्ये (IPL) सुमारे 10 च्या इकॉनॉमी रेटने धावा लुटल्या आणि नऊ सामन्यांमध्ये फक्त सात विकेट घेतल्या. आयपीएल 2019 च्या खराब हंगामानंतर त्याच्यावर झालेल्या टीकेबद्दल सिराजने खुलासा केला.
सिराजच्या खराब खेळीचा परिणाम त्याची फ्रँचायझी, रॉयल चॅलेंजर्स बेंगलोरच्या, त्या हंगामातही दिसून आला. आणि त्यांनी सुरुवातीपासूनच सलग सहा गेम गमावले आणि पॉईंट टेबलमध्ये तळाशी राहिली. त्याची सर्वात वाईट कामगिरी कोलकाता नाईट रायडर्स विरुद्ध झाली जेव्हा त्याने 2.2 षटकात पाच षटकार आणि 36 धावा लुटल्या. ज्यामुळे कर्णधार विराट कोहलीला त्याला गोलंदाजीतून बाहेर करण्यास भाग पाडले. सिराजने आरसीबी पॉडकास्टला सांगितले की, “जेव्हा मी केकेआरविरुद्ध त्या दोन बीमरला गोलंदाजी केली, तेव्हा लोक म्हणाले, 'क्रिकेट सोड व परत जा आणि तुमच्या वडिलांसोबत ऑटो चालव.” “अशा अनेक कमेंट्स होत्या. आणि लोकांना या सगळ्यामागील संघर्ष दिसत नाही. पण मला आठवतं की मी जेव्हा पहिल्यांदा निवडलो तेव्हा माही भाईने (एमएस धोनी) मला सांगितलं होतं की लोक माझ्याबद्दल जे काही सांगतात ते ऐकू नकोस. आज तू चांगला खेळला तर ते तुमची स्तुती करतील आणि तुम्ही नाही तेव्हा तेच लोक तुला सुनावत. त्यामुळे कधीही गांभीर्याने घेऊ नको.”
“आणि हो, तेच लोक ज्यांनी मला सतत ट्रोल केले आणि ‘तू सर्वोत्तम गोलंदाज आहे’ असे म्हणत होते. त्यामुळे, मला माहित आहे. मला कोणाचेही मत नको आहे. मी तोच सिराज आहे जो मी त्यावेळी होतो.” टीम इंडियाचा 27 वर्षीय स्टार खेळाडूने खूप मोठा पल्ला गाठला आहे आणि आरसीबी फ्रँचायझीने राखून ठेवलेल्या तीन खेळाडूंपैकी एक आहे. 2020 आयपीएल हंगामात आपल्या प्रभावी प्रदर्शनाच्या जोरावर सिराजने ऑस्ट्रेलिया दौऱ्यात पदार्पण केले, जिथे त्याने विजयी गब्बा कसोटीत शानदार पाच विकेट मिळवून आपले स्थान निश्चित केले.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)