QuickLY
Socially
IND vs BAN 2nd Test: भारत आणि बांगलादेश यांच्यातील कानपूर कसोटी सामना पावसामुळे धोक्यात आला आहे. तीन दिवसांचा खेळ वाया गेला. पहिल्या दिवशी 35 षटके खेळता आली. त्यानंतरचे दोन दिवस पावसाने आणि खराब मैदानात वाया गेले. एकही चेंडू टाकला नाही. पहिल्या दिवशी नाणेफेक जिंकल्यानंतर भारताने प्रथम गोलंदाजी करण्याचा निर्णय घेतला होता. पहिल्या दिवशीही पावसाचा विस्कळीतपणा होता. बांगलादेशने 35 षटकांत 3 गडी गमावून 107 धावा केल्या. यानंतर पावसामुळे खेळ होऊ शकला नाही. दुसऱ्या आणि तिसऱ्या दिवशी एकही चेंडू टाकला गेला नाही.
हा सामना अनिर्णित राहिल्याने भारतीय संघाला जागतिक कसोटी चॅम्पियनशिपच्या गुणतालिकेत मोठ्या पराभवाला सामोरे जावे लागणार आहे. भारतीय संघाला अंतिम फेरी गाठण्यासाठी अडचणींचा सामना करावा लागू शकतो. तथापि, कानपूर कसोटीचा निकाल अद्याप येऊ शकतो. (हे देखील वाचा: Most Sixes in Calendar Year Test: टीम इंडियाने कानपूरमध्ये रचला इतिहास, एका वर्षात 'इतके' षटकार मारून इंग्लंडचा 'विक्रम' काढला मोडीत)
सोमवारी, सामन्याच्या चौथ्या दिवशी, भारताने पहिला डाव 9 गड्यांच्या मोबदल्यात 285 धावा करून घोषित केला. भारताने 52 धावांची आघाडी मिळवली आहे. बांगलादेशचा पहिला डाव 233 धावांवर आटोपला. आता भारताला चमत्कार करुन बांगलादेशला लवकरात लवकर ऑलआउट करुन शेवटच्या दिवशी लक्ष मिळवावे लागेल आणि ते लक्ष पार करुन भारत हा सामना जिंकू शकतो पण ते अवघड काम आहे अशक्य नाही. तसेच बांगलादेश संघ आपला दुसरा डाव घोषित करुन मर्यादित षटकात भारताला लक्ष्य देवू शकतो. आता पाचव्या दिवशी काय होणार हे पाहणे खुप उत्सुकताचे ठरणार आहे.
