IND vs ENG 4th T20I 2025 Pitch Report: पुण्याच्या मैदानात रंगणार चौथा टी-20 सामना, कशी असेल मैदानाची स्थिती? जाणून घ्या पिच रिपोर्ट
पाच सामन्यांच्या टी-20 मालिकेत भारतीय संघ 2-1 ने आघाडीवर आहे. चौथा सामना दोन्ही संघांसाठी महत्त्वाचा आहे. एकीकडे भारतीय संघ चौथा सामना जिंकून मालिका जिंकू इच्छित असेल, तर दुसरीकडे इंग्लंडच्या सैन्याला मालिका 2-2 अशी बरोबरी करायची आहे.
पुणे: भारत आणि इंग्लंड यांच्यातील चौथा टी-20 सामना 31 जानेवारी (IND vs ENG 4th T20I 2025) रोजी पुण्यातील महाराष्ट्र क्रिकेट असोसिएशन स्टेडियमवर (Maharashtra Cricket Association Stadium, Pune) खेळला जाईल. पाच सामन्यांच्या टी-20 मालिकेत भारतीय संघ 2-1 ने आघाडीवर आहे. चौथा सामना दोन्ही संघांसाठी महत्त्वाचा आहे. एकीकडे भारतीय संघ चौथा सामना जिंकून मालिका जिंकू इच्छित असेल, तर दुसरीकडे इंग्लंडच्या सैन्याला मालिका 2-2 अशी बरोबरी करायची आहे. पण, या सामन्यादरम्यान पुण्याची कशी असेल खेळपट्टी जाणून घेवूया. (हे देखील वाचा: IND vs ENG 4th T20I Weather Report: भारत विरुद्ध इंग्लंड चौथ्या टी-20 सामन्यात पाऊस आणणार व्यत्यय? जाणून घ्या पुण्यातील हवामान स्थिती)
खेळपट्टी अहवालावर एक नजर
पुण्याची खेळपट्टी काळ्या मातीची आहे. ही खेळपट्टी सामान्यतः फिरकीपटूंसाठी अनुकूल मानली जाते. येथे वेगवान गोलंदाजाला फारशी मदत मिळणार नाही. सुरुवातीला फलंदाजांना धावा काढण्यात काही अडचणी येतात. पण एकदा फलंदांज क्रीजवर स्थिरावलात की इथे धावा करणे सोपे होते. या मैदानावर नाणेफेक जिंकणारा संघ प्रथम फलंदाजी करण्याचा निर्णय घेऊ शकतो. पुण्याच्या मैदानावर टी-20 मध्ये श्रीलंकेने बनवलेला सर्वोच्च धावसंख्या 206/6 आहे. तर भारताने सर्वात कमी 101 धावा केल्या आहेत.
पुण्यात कसा आहे भारतीय संघाचा रेकॉर्ड?
भारताने या मैदानावर आतापर्यंत 4 टी-20 सामने खेळले आहेत. टीम इंडियाने 2012 मध्ये या मैदानावर पहिला सामना खेळला होता. पुणे मैदानावर भारताचा विजयाचा टक्का 50-50 आहे. कारण भारताने या मैदानावर खेळलेले 2 सामने जिंकले आहेत, तर मेन इन ब्लू संघाला 2 सामन्यांमध्ये पराभवाचा सामना करावा लागला आहे.
चौथ्या सामन्यासाठी टीम इंडियाची संभाव्य प्लेइंग इलेव्हन
संजू सॅमसन (यष्टीरक्षक), अभिषेक शर्मा, तिलक वर्मा, सूर्यकुमार यादव (कर्णधार), रिंकू सिंग, वॉशिंग्टन सुंदर, हार्दिक पंड्या, अक्षर पटेल, अर्शदीप सिंग, मोहम्मद शमी, वरुण चक्रवर्ती.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)