IPL 2023 च्या लिलावासाठी 900 हून अधिक खेळाडूंनी त्यांची नावे पाठवली, सर्वात जास्त ऑस्ट्रेलियन क्रिकेटपटू
बीसीसीआयने (BCCI) गुरुवारी संध्याकाळी माहिती दिली की पुढील वर्षीच्या स्पर्धेसाठी एकूण 991 खेळाडूंनी लिलावात सहभागी होण्यासाठी आपली नावे दिली आहेत. या लिलावात भारतातील 714 तर इतर देशांतील 277 खेळाडूंची नावे आहेत.
IPL 2023 Mini Auction: या महिन्यात इंडियन प्रीमियर लीग 2023 (IPL 2023) साठी खेळाडूंचा लिलाव होणार आहे. या मिनी लिलावासाठी जगभरातील देशांतील खेळाडूंनी आपली नोंदणी केली आहे. बीसीसीआयने (BCCI) गुरुवारी संध्याकाळी माहिती दिली की पुढील वर्षीच्या स्पर्धेसाठी एकूण 991 खेळाडूंनी लिलावात सहभागी होण्यासाठी आपली नावे दिली आहेत. या लिलावात भारतातील 714 तर इतर देशांतील 277 खेळाडूंची नावे आहेत. सर्वाधिक खेळाडू ऑस्ट्रेलियाचे आहेत. बीसीसीआय ने या महिन्याच्या 23 तारखेला कोची येथे होणाऱ्या मिनी आयपीएल लिलावासाठी नोंदणी केलेल्या खेळाडूंची संख्या शेअर केली आहे.
परदेशी खेळाडूंची एकूण संख्या 277
बीसीसीआयने 30 नोव्हेंबर ही नोंदणीसाठी अंतिम तारीख निश्चित केली होती. जगभरातील सर्व देशांतील क्रिकेटपटूंसह एकूण 991 नावे पाठवण्यात आल्याचे बोर्डाकडून सांगण्यात आले. या लिलावात भारतातील एकूण 714 खेळाडू सहभागी होऊ इच्छित आहेत. आणि परदेशी खेळाडूंची एकूण संख्या 277 आहे. यामध्ये ऑस्ट्रेलिया, इंग्लंड, न्यूझीलंड, दक्षिण आफ्रिका आणि वेस्ट इंडिज व्यतिरिक्त क्रिकेट खेळणाऱ्या सर्व प्रमुख देशांच्या खेळाडूंचा समावेश आहे. (हे देखील वाचा: IND vs BAN ODI Head to Head: भारत आणि बांगलादेश यांच्यातील एकदिवसीय सामन्यात कोण आहे वरचढ, जाणून घ्या हेड टू हेड आकडेवारी)
NEWS- 991 players register for TATA IPL 2023 Player Auction.
A total of 991 players (714 Indian and 277 overseas players) have signed up to be part of the TATA IPL 2023 Player Auction set to take place on 23rd December 2022 in Kochi.
More details here - https://t.co/JEpOBUKcKe
— IndianPremierLeague (@IPL) December 1, 2022
कोणत्या देशातून किती झाली नोंदणी
बीसीसीआयने शेअर केलेल्या यादीनुसार ऑस्ट्रेलियातील खेळाडूंनी सर्वाधिक नोंदणी केली आहे. ऑस्ट्रेलिया 57, दक्षिण आफ्रिका 52, वेस्ट इंडिज 33, इंग्लंड 31, न्यूझीलंड 27, श्रीलंका 23, अफगाणिस्तान 14, आयर्लंड 8, नेदरलँड 7, बांगलादेश, झिम्बाब्वे, यूएई 6, नामिबिया 5 आणि स्कॉटलंड 2 क्रिकेटपटूंनी आपली नावे पाठवली आहेत.
(The above story first appeared on LatestLY on Dec 01, 2022 10:58 PM IST. For more news and updates on politics, world, sports, entertainment and lifestyle, log on to our website latestly.com).
