(Photo: @cricketireland/@ProteasMenCSA)

Ireland National Cricket Team vs South Africa National Cricket Team 3rd ODI 2024 Pitch Report: आयर्लंड क्रिकेट संघ विरुद्ध दक्षिण आफ्रिका क्रिकेट संघ यांच्यातील तीन एकदिवसीय सामन्यांच्या मालिकेतील तिसरा सामना आज म्हणजेच 7 ऑक्टोबर रोजी खेळवला जाणार आहे. उभय संघांमधील हा सामना अबुधाबीच्या शेख झायेद स्टेडियमवर सायंकाळी 5 वाजल्यापासून खेळवला जाईल. दुसऱ्या सामन्यात दक्षिण आफ्रिका संघाने आयर्लंडचा 174 धावांनी पराभव केला होता. यासह दक्षिण आफ्रिकेच्या संघाने मालिकेत 2-0 अशी अभेद्य आघाडी घेतली आहे. आता तिसरा सामना जिंकून मालिका काबीज करण्यावर दक्षिण आफ्रिकेच्या नजरा असतील. दुसरीकडे, आयरिश संघ तिसरा सामना जिंकून मालिकेत पहिला विजय नोंदवू इच्छितो. आयर्लंडची कमान पॉल स्टर्लिंगच्या खांद्यावर आहे. तर, रॅसी व्हॅन डर डुसेन तिसऱ्या वनडेत दक्षिण आफ्रिकेचे नेतृत्व करताना दिसणार आहे. कारण, टेंबा बावुमा दुखापतीमुळे मालिकेतून बाहेर आहे. तिसऱ्या एकदिवसीय सामन्यात दोन्ही संघांमध्ये रोमांचक सामना पाहायला मिळणार आहे. (हेही वाचा:England Women vs South Africa Women T20 Head To Head Record: इंग्लंड की दक्षिण आफ्रिका, कोण आहे तगडा संघ? हेड टू हेड आकडेवारी पहा )

हेड टू हेड रेकॉर्ड

आयर्लंड आणि दक्षिण आफ्रिका यांच्यात आतापर्यंत एकूण 10 एकदिवसीय सामने खेळले गेले आहेत. या कालावधीत दक्षिण आफ्रिकेच्या संघाने आठ सामने जिंकले आहेत. तर आयर्लंडने एक सामना जिंकला आहे. याशिवाय एक सामना अनिर्णित राहिला. दोन्ही संघांमधील मागील तीन सामन्यांवर नजर टाकली तर दक्षिण आफ्रिकेने दोन सामने जिंकले आहेत. तर आयर्लंडने एक सामना जिंकला आहे.

खेळपट्टीचा अहवाल

झायेद क्रिकेट स्टेडियमची खेळपट्टी गोलंदाजांसाठी अधिक उपयुक्त ठरत आहे. विशेषत: सुरुवातीच्या षटकांमध्ये वेगवान गोलंदाजांना स्विंगची मदत मिळते. जसजसा सामना पुढे जाईल तसतसे खेळपट्टीचे स्वरूप बदलू शकते. त्यामुळे या मैदानावर नाणेफेक जिंकणारा संघ प्रथम फलंदाजी करण्यास प्राधान्य देऊ शकतो. जुन्या चेंडूवर धावा काढणेही अवघड असते, कारण मधल्या षटकांमध्ये फिरकीपटूंना टर्न मिळू शकतो.

हवामान स्थिती

हा सामना अबुधाबीमध्ये स्थानिक वेळेनुसार दुपारी 3.30 पासून खेळवला जाईल. या काळात तापमान 36 अंश सेल्सिअस राहील. रात्री तापमान 30 अंशांपर्यंत खाली येऊ शकते. कडाक्याच्या उन्हात पावसाची शक्यता नाही. सामन्यादरम्यान आर्द्रता 55 ते 62 टक्के असू शकते. दोन्ही संघांच्या खेळाडूंना उन्हात खेळणे सोपे जाणार नाही.

दोन्ही संघांचे संभाव्य प्लेइंग इलेव्हन

आयर्लंड संघ: पॉल स्टर्लिंग (कर्णधार), अँड्र्यू बालबिर्नी, कर्टिस कॅम्फर, हॅरी टेक्टर, स्टीफन डोहेनी (विकेटकीपर), जॉर्ज डॉकरेल, अँडी मॅकब्राईन, मार्क एडेयर, क्रेग यंग, ​​ग्रॅहम ह्यूम, गेविन होई.

दक्षिण आफ्रिका संघ: रायन रिकेल्टन (विकेटकीपर), टोनी डी झोर्झी, रीझा हेंड्रिक्स, रॅसी व्हॅन डर ड्यूसेन (कर्णधार), ट्रिस्टन स्टब्स, जेसन स्मिथ, अँडील फेहलुकवायो, ब्योर्न फोर्टुइन, लिझाद विल्यम्स, लुंगी एनगिडी, ओटनीएल बार्टमन.