IND vs NZ T20I 2020: विराट कोहली याची न्यूझीलंडविरुद्ध टी-20 मालिकेत खास रेकॉर्डवर नजर; केन विल्यमसन, एमएस धोनीही राहतील मागे, जाणून घ्या
शुक्रवारपासून न्यूझीलंडविरुद्ध आगामी पाच सामन्यांच्या टी-20 सामन्यात खेळाडूंच्या विशेष यादीमध्ये प्रवेश करण्याची त्याला संधी आहे. क्रिकेटच्या सर्वात कमी स्वरूपात 50 षटकार ठोकणारा तो दुसरा आंतरराष्ट्रीय कर्णधार होण्याच्या मार्गावर आहे. या क्लबमध्ये सामिल करण्यासाठी कोहलीला आगामी मालिकेत फक्त आठ जास्त षटकार मारण्याची गरज आहे.
आजकाल क्वचितच असा दिवस जाईल जेव्हा भारताचा (India) कर्णधार विराट कोहली (Virat Kohli) विक्रम करण्याच्या किंवा मोडण्याच्या मार्गावर नसेल. शुक्रवारपासून न्यूझीलंडविरुद्ध (NEw Zealand) आगामी पाच सामन्यांच्या टी-20 सामन्यात खेळाडूंच्या विशेष यादीमध्ये प्रवेश करण्याची त्याला संधी आहे. कोहली आणि संघ दीड महिन्यांच्या न्यूझीलंड दौऱ्यात पाच टी-20, तीन वनडे आणि दोन कसोटी सामने खेळणार आहेत. टी-20 मालिकेपासून भारताच्या दौऱ्याची सुरुवात होईल. पहिला टी-20 सामना 24 जानेवारीला खेळला जाईल. यासाठी भारतीय संघ न्यूझीलंडमध्ये दाखल झाले असून लवकरच नेट्समध्ये सराव सुरु करतील. श्रीलंका आणि ऑस्ट्रेलियाचा घरच्या मैदानावर खेळात पराभव केल्यावर टीम इंडिया आता न्यूझीलंडच्या पूर्ण न्यूझीलंडवर लक्ष केंद्रित करत आहे. (IND vs NZ T20I 2020: सर्वाधिक षटकार, सर्वोच्च वैयक्तिक धावा; भारत-न्यूझीलंडमधील 'हे' प्रमुख 5 टी-20 रेकॉर्डस् जाणून घ्या)
दरम्यान, विराटने आजवर 78 टी-20 मध्ये 74 षटकार ठोकले असून सर्वाधिक षटकारांच्या यादीत तो 12 व्या स्थानावर आहे. तथापि, क्रिकेटच्या सर्वात कमी स्वरूपात 50 षटकार ठोकणारा तो दुसरा आंतरराष्ट्रीय कर्णधार होण्याच्या मार्गावर आहे. या क्लबमध्ये सामिल करण्यासाठी कोहलीला आगामी मालिकेत फक्त आठ जास्त षटकार मारण्याची गरज आहे. इंग्लंडचा इयन मॉर्गन (Eoin Morgan) एकूण 62 टी-20 षटकार मारत 50 षटकारांचा अडथळा पार करणारा पहिला आणि एकमेव कर्णधार आहे. शिवाय, टी-20 मध्ये कर्णधार म्हणून दुसऱ्या सर्वाधिक धावा करण्यासाठी कोहलीला 81 धावांची गरज आहे. असे करताच कोहली या नामांकित यादीमध्ये महेंद्र सिंह धोनी (Mahendra Singh Dhoni) ला मागे टाकेल. मात्र, त्याच्यासमोर न्यूझीलंडचा कर्णधार केन विल्यमसन चे आव्हान असेल ज्याला धोनीला मागे टाकण्यासाठी फक्त 30 धावांची गरज आहे.
तथापि, कोहलीसाठी हे सर्व सोप्पे नसणार कारण त्याने यापूर्वी न्यूझीलंडमध्ये टी-20 सामना खेळला नाही. सर्वात छोट्या स्वरूपात न्यूझीलंडमध्ये खेळण्याची विराटची ही पहिली वेळ असेल. शिवाय, टी-20 मध्ये रोहित शर्माला (Rohit Sharma) वगळता कोणत्याही भारतीय फलंदाजाने 100 धावांचा अडथळा पार केला नाही. दरम्यान, टी-20 मध्ये सर्वाधिक धावा करण्याच्या यादीमध्ये कोहली आणि रोहितमध्ये पुन्हा शर्यत पाहायाला मिळेल. कोहली सध्या टी-20 क्रिकेटमध्ये 2689 धावांसह अव्वल स्थानावर, तर रोहित 2633 धावांसह दुसऱ्या स्थानावर आहे. या दोघांमध्ये फक्त 56 धावांचा आहे. आणि ब्लॉकबस्टर मालिकेच्या समाप्तीनंतर कोण अव्वल स्थान मिळवेल हे पाहणे मनोरंजक असेल.
(The above story first appeared on LatestLY on Jan 22, 2020 05:07 PM IST. For more news and updates on politics, world, sports, entertainment and lifestyle, log on to our website latestly.com).
