IND vs PAK Final 2023: विश्वचषकाच्या आधी 7 ऑक्टोबरला भारत-पाकिस्तान होवू शकतो अंतिम सामना, जाणून घ्या संपूर्ण प्रकरण

एकदिवसीय विश्वचषक 2023 (ICC Cricket World Cup 2023) 5 ऑक्टोबरपासून सुरू होत आहे. प्रत्येक भारतीय चाहत्यांना 14 ऑक्टोबरला होणार्‍या भारत-पाकिस्तान (IND vs PAK) सामन्याची प्रतीक्षा आहे. पण एक भारतीय संघ देखील आहे जो चीनमधील हांगझोऊ येथे होणाऱ्या आशियाई क्रीडा स्पर्धेत सहभागी होत असून हा संघ सुवर्णपदकाचा सर्वात मोठा दावेदार असल्याचे बोलले जात आहे. ऋतुराज गायकवाडच्या (Ruturaj Gaikwad) नेतृत्वाखाली टीम इंडियाने (Team India) पहिल्या उपांत्यपूर्व फेरीत विजय मिळवला आहे. भारतीय संघाने नेपाळचा 23 धावांनी पराभव केला आहे. दुसरीकडे, पाकिस्तानकडेही या स्पर्धेत युवा संघ आहे जो भारताचा खेळ खराब करू शकतो. विश्वचषक स्पर्धेत वरिष्ठ संघ भिडतील तर युवा संघ या स्पर्धेत भिडतील. मात्र, एकदिवसीय विश्वचषकात दोन्ही देशांमधील संघर्षापूर्वी या स्पर्धेत भारत आणि पाकिस्तान यांच्यात अंतिम सामना खेळवला जाऊ शकतो. भारत आणि पाकिस्तान यांच्यातील ही फायनल 7 ऑक्टोबरला होऊ शकते.

जाणून घ्या संपूर्ण प्रकरण

भारताने नेपाळचा पराभव केला तर दुसऱ्या उपांत्यपूर्व फेरीत पाकिस्तानने हाँगकाँगचा पराभव केला. आता दोन्ही संघ उपांत्य फेरीत पोहोचले आहेत. अशा परिस्थितीत उपांत्यपूर्व 3 चा विजेता म्हणजेच अफगाणिस्तान आणि श्रीलंका यांच्यातील विजयी संघ उपांत्य फेरीत प्रवेश करेल. उपांत्यपूर्व 4 चा विजेता संघ म्हणजे बांगलादेश-मलेशिया देखील उपांत्य फेरीत जाईल. आणि त्यानंतर भारत आणि पाकिस्तानला यापैकी एका संघाला उपांत्य फेरीत 1 आणि 2 मध्ये सामोरे जावे लागेल. अशा परिस्थितीत भारत आणि पाकिस्तानने आपापल्या सेमीफायनलचे सामने जिंकल्यास 7 ऑक्टोबरला या दोघांमध्ये अंतिम सामना खेळवला जावू शकतो. (हे देखील वाचा: ICC Cricket World Cup 2023: विश्वचषकापूर्वी Virat Kohli ने जोडले हात, मित्रांना केली ही खास विनंती, म्हणाला- घरीच थांबा...)

यशस्वी जैस्वालचे दमदार शतक

भारत आणि नेपाळ यांच्यातील सामन्याबद्दल बोलायचे झाले तर, यशस्वी जैस्वालचे शतक आणि रिंकू सिंगच्या झंझावाती 37 धावांच्या जोरावर भारताने 4 गडी गमावून 202 धावा केल्या होत्या. प्रत्युत्तरात नेपाळचा संघ 20 षटकांत केवळ 179 धावा करू शकला. आवेश खान आणि रवी बिश्नोई यांनी प्रत्येकी ३ बळी घेतले. पाकिस्तान आणि हाँगकाँग यांच्यात झालेल्या सामन्यात पाकिस्तान संघाला 20 षटकात केवळ 160 धावा करता आल्या. पण खरी जादू गोलंदाजांनी केली आणि त्यांनी हाँगकाँगचा संपूर्ण संघ 92 धावांत गुंडाळला. अशा प्रकारे संघाने 68 धावांनी विजय मिळवला.

(The above story first appeared on LatestLY on Oct 04, 2023 12:55 PM IST. For more news and updates on politics, world, sports, entertainment and lifestyle, log on to our website latestly.com).