TCS Ends Work From Home: TCS ने संपवली हायब्रीड वर्किंग पॉलिसी; कर्मचार्‍यांना 1 ऑक्टोबरपासून कार्यालयात रुजू व्हावे लागणार

TCS Ends Work From Home: देशातील सर्वात मोठी आयटी कंपनी टाटा कन्सल्टन्सी सर्व्हिसेस (TCS) आपले हायब्रीड वर्किंग पॉलिसी संपवण्याच्या तयारीत आहे. एका अंतर्गत ई-मेलमध्ये कंपनीने म्हटले आहे की, त्यांच्या कर्मचाऱ्यांनी 1 ऑक्टोबरपासून आठवड्यातून पाच दिवस कार्यालयात हजर राहावे. सध्या कर्मचाऱ्यांना आठवड्यातून केवळ तीन दिवस कार्यालयात उपस्थित राहावे लागते. सप्टेंबरच्या मध्यात पाठवलेल्या अधिकृत मेलमध्ये TCS ने आपल्या कर्मचाऱ्यांना 1 ऑक्टोबरपासून पाच दिवस कार्यालयात परत येण्यास सांगितले होते. ई-मेलमध्ये असे म्हटले आहे की, सीईओ आणि मुख्य मानव संसाधन अधिकारी (सीएचआरओ) यांनी दिलेल्या माहितीनुसार, 1 ऑक्टोबर 2023 पासून सर्व कामकाजाच्या दिवसांमध्ये (सुटी नसल्यास) प्रत्येक आठवड्यात 5 दिवस उपस्थित राहणे अनिवार्य आहे.