Cyber Attacks in 2024: सायबर गुन्हेगार 2024 मध्ये करू शकतात AI शी निगडीत हल्ले, अहवालात समोर आली धक्कादायक माहिती
संशोधकांनी नमूद केले की, सायबर गुन्हेगारांनी त्यांचे हल्ले वाढवण्यासाठी मशीन लर्निंग आणि जनरेटिव्ह एआयच्या क्षमतेचा फायदा घेणे अपेक्षित आहे.
यावर्षी जगाने अनेक मोठे सायबर हल्ले पाहिले. आता शुक्रवारी समोर आलेल्या एका नवीन अहवालात 2024 मधील संभाव्य सायबर गुन्ह्यांबाबत मोठा खुलासा झाला आहे. रिपोर्टनुसार, पुढील वर्षी म्हणजे 2024 मध्ये सायबर गुन्हेगार हे कृत्रिम बुद्धिमत्ता (AI) शी निगडीत हल्ले करू शकतात. तसेच रॅन्समवेअर मोहिमा आणि आयडेंटीटी अॅटॅकवरही (Identity Attacks) ते लक्ष केंद्रित करू शकतात. या प्रकारच्या हल्ल्यात, सायबर गुन्हेगार एखाद्या व्यक्तीचे लॉगिन क्रेडेन्शियल्स, डोमेन नेम, वैयक्तिक डेटा किंवा डिजिटल प्रमाणपत्रे यासारख्या ओळखीशी संबंधित माहिती चोरण्याचा, बदलण्याचा आणि त्याचा गैरवापर करण्याचा प्रयत्न करतात. बॅराकुडा नेटवर्क (Barracuda Network) नुसार, जसजसे 2024 जवळ येत आहे तसतसे AI-सक्षम सायबर हल्ल्यांचा धोका ही कंपन्यांसमोरील मोठी समस्या बनली आहे.
संशोधकांनी नमूद केले की, सायबर गुन्हेगारांनी त्यांचे हल्ले वाढवण्यासाठी मशीन लर्निंग आणि जनरेटिव्ह एआयच्या क्षमतेचा फायदा घेणे अपेक्षित आहे. यामध्ये प्रगत AI अल्गोरिदमद्वारे आक्रमण प्रक्रियेचे ऑटोमेशन समाविष्ट असू शकते, ज्यामुळे अधिक कार्यक्षम, स्केलेबल आणि गुंतागुंतीचे हल्ले होऊ शकतात. शिवाय, अहवालात असे नमूद करण्यात आले आहे की, तंत्रज्ञानातील प्रगती, भू-राजकीय घटना आणि हल्लेखोरांच्या डावपेचांमधील बदलांमुळे नवीन धोके निर्माण होण्याची अपेक्षा आहे. यामध्ये डीपफेक आणि सिंथेटिक मीडिया हल्ल्यांच्या संभाव्य वाढीचा समावेश आहे.
Cybercriminals likely to execute #AI-led cyberattacks, identity attacks in 2024: Report
Read: https://t.co/dYvJNpYTpR pic.twitter.com/mg4uOOj2H7
— IANS (@ians_india) December 15, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Dec 15, 2023 08:25 PM IST. For more news and updates on politics, world, sports, entertainment and lifestyle, log on to our website latestly.com).
