Weather Update: अमरावती मध्ये सर्वाधिक 41.8 अंश सेल्सिअस तापमानाची नोंद; यवतमाळ मध्ये किमान तापमानाचा पारा 20 अंशावर

Weather Update: राज्यात कुठे पाऊस तर कुठे उष्णतेची लाट पहायला मिळत आहे. त्यातच अमरावती (Amravati Temperature)येथे सर्वाधिक 41.8 अंश सेल्सिअस कमाल तापमानाची नोंद झाली. तर, यवतमाळ(Yavatmal Temperature) येथे 20.0 अंश सेल्सिअस सर्वात कमी किमान तापमानाची नोंद झाली आहे. पुणे, नगर, जालना आणि छत्रपती संभाजीनगर जिल्ह्यात आज सोमवारी अवकाळी पावसाच्या जोरदार सरी कोसळण्याचा अंदाज हवामान विभागाने (IMD Preditcion) वर्तवला आहे. यापार्श्वभूमीवर काही जिल्ह्यांना ऑरेंज तर काही जिल्ह्यांना यलो अलर्ट देण्यात आला आहे. याशिवाय नंदुरबार, जळगाव आणि बीड जिल्ह्यातही तुफान पावसाची शक्यता आहे. काही जिल्ह्यात गारपिटीचा अंदाजही वर्तवण्यात आला आहे. (हेही वाचा:Weather Update: राज्यासह मध्यप्रदेश, ओडिशा, कर्नाटकमध्ये अतिवृष्टीचा इशारा; छत्तीसगडमध्ये गारपिटीची शक्यता, हवामान विभागाचा अंदाज )