Mahakumbh 2025: घरी बसून काम करणाऱ्या कर्मचाऱ्यांना कामात लवचिकता असते. घरून काम करणाऱ्या एका कर्मचाऱ्याचा फोटो सध्या सोशल मीडियावर चांगलाच व्हायरल होत आहे. एक माणूस महाकुंभ मेळ्यात त्याच्या लॅपटॉपवर काम करत असल्याचे दिसून येत आहे. हा फोटो इंटरनेटवर मोठ्या प्रमाणात शेअर केला जात आहे आणि तो महाकुंभमेळ्यातून काम करत असल्याचा दावा केला जात आहे. "जेव्हा तुम्हाला एकाच वेळी मोक्ष आणि पगार दोन्ही हवे असतात", असे पोस्टमध्ये लिहिले आहे, महाकुंभात लॅपटॉपवर काम करणाऱ्या व्यक्तीच्या एका हातात फोन धरून दुसऱ्या हाताने लॅपटॉपवर काम करत आहे. पवित्र स्नानानंतर कपडे बदलण्यात आणि फिरण्यात व्यस्त असलेल्या गर्दीत, हा कर्मचारी शांतपणे जमिनीवर बसून लॅपटॉपवर काम करत होता, ज्यामुळे आजूबाजूचे लोक आणि नेटिझन्स दोघेही खूप चकित झाल्याचेपाहायला मिळाले.
येथे पाहा, व्हायरल फोटो