राष्ट्रीय राजधानी दिल्लीतील बवाना (Bawana) भागात शनिवारी एका कारखान्याला भीषण आग लागल्याची घटना समोर आली आहे. आगीच्या घटनेनंतर कारखाना व परिसरात एकच गोंधळ उडाला. या आगीच्या घटनेत अद्याप कोणतीही जीवितहानी झाल्याचे वृत्त नाही. दिल्ली अग्निशमन दलाचे जवान आगीवर नियंत्रण मिळवण्याचा प्रयत्न करत आहेत.

या आगीच्या घटनेबाबत दिल्ली अग्निशमन सेवा (DFS) संचालक अतुल गर्ग यांनी सांगितले की, एकूण 20 अग्निशमन दल घटनास्थळी पाठवण्यात आले होते. अग्निशमन दलाचे जवान आगीवर नियंत्रण मिळवण्याचे प्रयत्न करत आहेत. अद्याप कोणतीही दुखापत किंवा जीवितहानी झाल्याचे वृत्त नाही. मिळालेल्या माहितीनुसार, तीन मजली कारखान्याच्या वरच्या दोन मजल्यावर ही आग लागली. हा कारखाना बवाना सेक्टर 5 मध्ये आहे. आग विझवण्यासाठी अग्निशमन दलाचे जवान सातत्याने प्रयत्न करत आहेत.

पाहा व्हिडिओ -

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)