Naxalites Killed In Encounter: बिजापूरमध्ये सुरक्षा दलांशी झालेल्या चकमकीत 3 नक्षलवादी ठार

Naxalites Killed In Encounter: छत्तीसगडमधील बिजापूर जिल्ह्यात रविवारी सुरक्षा कर्मचाऱ्यांशी झालेल्या चकमकीत किमान तीन नक्षलवादी ठार झाले. बस्तर रेंजचे पोलिस महानिरीक्षक सुंदरराज पी यांनी दिलेल्या माहितीनुसार, सकाळी इंद्रावती राष्ट्रीय उद्यानाच्या जंगली भागात सुरक्षा दलांच्या संयुक्त पथकाने नक्षलविरोधी कारवाई केली असता ही चकमक सुरू झाली. जिल्हा राखीव रक्षक (डीआरजी), विशेष कार्य दल (एसटीएफ) आणि जिल्हा दलाचे कर्मचारी या कारवाईत सहभागी होते. गोळीबार थांबल्यानंतर, अधिकाऱ्यांनी घटनास्थळावरून 'गणवेश' परिधान केलेल्या तीन नक्षलवाद्यांचे मृतदेह, स्वयंचलित शस्त्रे आणि स्फोटके जप्त केली. परिसरात अजूनही शोध मोहीम सुरू असल्याचंही अधिकाऱ्याने सांगितलं.

बिजापूरमध्ये सुरक्षा दलांशी झालेल्या चकमकीत 3 नक्षलवादी ठार -