Pune Weather Forecast For Tomorrow: पुण्यात कसे असेल उद्याचे हवामान? जाणून घ्या अंदाज
दिवसाचा अंदाज किमान आणि कमाल तापमान अनुक्रमे 22.96 °C आणि 23.93 °C दर्शवतो. हवामान खात्याच्या अंदाजानुसार आज पुण्यातील काही भागात हलका पाऊस पडण्याची शक्यता आहे.
Pune Weather Prediction, July 18: पुण्यात आज, 17 जुलै 2024 रोजी तापमान २३.७९ डिग्री सेल्सियस आहे. दिवसभरात किमान 22.96 °Cआणि कमाल 23.93 °C तापमान राहण्याची शक्यता वर्तवली होती. हवामान खात्याच्या अंदाजानुसार आज पुण्यातील काही भागात हलका पाऊस पडण्याची शक्यता आहे. रायगड, पुणे आणि साताऱ्याच्या डोंगराळ भागासाठी पुढील तीन दिवसांसाठी ऑरेंज अलर्ट जारी केले आहे.
पुणे आणि आजूबाजूच्या परिसरात पुढील ४८ तासांत मध्यम ते मुसळधार पावसाची अपेक्षा आहे, तर डोंगराळ भागात अति मुसळधार पाऊस पडेल. हवामान खात्याच्या अंदाजानुसार पुणे, सातारा, सांगली, कोल्हापूर, धाराशिव, सोलापूर, लातूर आणि सिंधुदुर्ग जिल्ह्यांमध्ये येत्या काही तासांत मध्यम ते मुसळधार पावसाची शक्यता आहे.
पुणे वेधशाळेने दक्षिण गुजरातपासून उत्तर केरळच्या किनारपट्टीपर्यंत कमी दाबाचा पट्टा निर्माण झाल्याचे सांगितले आहे. त्यामुळे येत्या तीन ते चार दिवसांत राज्याच्या बहुतांश भागात पावसाची शक्यता आहे. कोकण, गोवा आणि मध्य महाराष्ट्रातील डोंगराळ भागात पुढील चार ते पाच दिवस अतिवृष्टी होऊ शकते. रत्नागिरी पुढील 48 तासांसाठी रेड अलर्टवर आहे. पुण्यात उद्याचे हवामान कसे असतील यासाठी हवामान विभागाने पुढील अंदाज वर्तवला आहे.
हेही वाचा: Mumbai Weather Forecast For Tomorrow: मुंबईत उद्याचे हवामान कसे? जाणून घ्या हवामान अंदाज!
पुण्यात उद्याचे हवामान कसे?
दरम्यान, हवामान विभागाच्या अंदाजपत्रानुसार यंदा देशात सरासरीच्या 106 टक्के पावसाची शक्यता असल्याचा अंदाज आहे. तसेच महाराष्ट्रातील बहुतांशी भागात सरासरीपेक्षा जास्त पावसाची शक्यता असल्याचेही हवामान विभागाने स्पष्ट केले आहे. 'एल निनो' स्थिती सुरुवाती टप्प्यामध्ये तटस्थ राहू शकते. तर पावसाळ्याच्या दुसऱ्या टप्प्यात म्हणजेच जुलै किंवा ऑगस्टमध्ये 'ला निना' स्थिती निर्माण होण्याची शक्यता आहे. ला निना स्थिती देशातील यंदाच्या मॉन्सूनसाठी पोषक असल्याच्या नोंदी आहेत, असे हवामान विभागाने स्पष्ट केले आहे.