Navi Mumbai Shocker: नवी मुंबईत पोलिस उपनिरीक्षकाकडून महिला कॉन्स्टेबलवर बलात्कार, गुन्हा दाखल
आरोपीने 26 वर्षीय पीडित महिला कॉन्स्टेबलशी मैत्री केली. तिला लग्नाचे आश्वासन देऊन तिच्यावर 2 वर्ष बलात्कार केला.
Navi Mumbai Shocker: नवी मुंबईत महिला कॉन्स्टेबलवर (Female Constable)बलात्कार (Rape)करून तिचा छळ केल्याप्रकरणी 32 वर्षीय पोलीस उपनिरीक्षकाविरुद्ध (Police Sub-Inspector)गुन्हा दाखल करण्यात आला आहे. सानपाडा परिसरातून ही घटना उघडकीस आली. 2020 ते जुलै2022 दरम्यान हा गुन्हा घडला. धक्कादायक म्हणजे आरोपीने पीडितेकडून वेळोवेळी कोणत्या ना कोणत्या बहाण्याने 19 लाख रुपये घेतले आणि केवळ 14.61 लाख रुपये परत केले.
आरोपीने मुंबई पोलिसांशी संलग्न असलेल्या 26 वर्षीय विवाहीत पीडितेशी आधी मैत्री केली. नंतर तिला लग्नाचे आमिष दाखवून तिला नात्यात गुंतवून ठेवले. सानपाडा येथील एका फ्लॅटमध्ये तिच्यावर अनेक वेळा बलात्कार केला, असे पोलीस तपासात समोर आले.
'या प्रकरणात आरोपीने अनेकवेळा महिलेचा पाठलाग केला होता. तिला तिच्या पतीला सोडून देण्यास सांगितले, ते अयशस्वी झाल्यास त्याने तिला जीवे मारण्याची धमकी दिली', असे सानपाडा पोलीस ठाण्यातील अधिकाऱ्याने सांगितले.
मुंबईतील पंत नगर पोलिस स्टेशनमध्ये तक्रार दाखल करण्यात आली होती. ज्याच्या आधारावर आरोपीविरुद्ध भारतीय दंड संहिता कलम 376(बलात्कार), 376(2)(एन) (पुन्हा बलात्कार) अंतर्गत 'शून्य' एफआयआर नोंदवण्यात आला होता. 354(a) (लैंगिक छळ), 354(d) (मागोमाग), 506(2) (गुन्हेगारी धमकी) आणि 420 (फसवणूक), अधिकाऱ्याने सांगितले.
पुढील तपासासाठी ते सानपाडा पोलिसांकडे वर्ग करण्यात आले असून त्यांनी शनिवारी गुन्हा दाखल केला. घटनेचे ठिकाण किंवा अधिकार क्षेत्र विचारात न घेता कोणत्याही पोलिस स्टेशनमध्ये शून्य एफआयआर दाखल केला जाऊ शकतो आणि नंतर योग्य पोलिस ठाण्यात हस्तांतरित केला जाऊ शकतो.
(The above story first appeared on LatestLY on Jun 23, 2024 01:47 PM IST. For more news and updates on politics, world, sports, entertainment and lifestyle, log on to our website latestly.com).
