Ganeshotsav 2024: आता गणेशोत्सवासाठी विमानाने कोकणात जाता येणार; केव्हापासून आणि कुठूण सेवा सुरू? घ्या जाणून
भक्तीमय वातावरणात गणेशोत्सव पार पडावा यासाठी राज्यसरकार सर्वतोपरी प्रयत्न करत आहे. त्यात आता गणेशोत्सवासाठी विमानसेवा सुरू करण्यात आली आहे. पुणे-गोवा आणि पुणे-सिंधुदुर्ग या दोन ठिकाणी ही सेवा सुरू 31 ऑगस्टपासून होत आहे.
Ganeshotsav 2024: यंदा गणेशोत्सवात कोकणात जाण्यासाठी भरपूर मार्गाचा वापर केला जाऊ शकतो. कारण याआधीच ज्यादा बसेस आणि रेल्वे सज्ज करून ठेवल्या असून आता आणखी एक खुशखबर गणेशभक्तांना मिळत आहे. ती म्हणजे आता कमी वेळेत हवाई मार्गाने गणेशोत्सवासाठी (Ganeshotsav 2024)कोकण किंवा गोवा गाठता येणार आहे. कारण गणेशोत्सवात कोकणकरांसाठी विमानसेवा सुरू होत आहे. मात्र, ही सेवा मुंबईहून नसून पुण्यातून सुरू(Flight Pune to Konkan) आहे. पुणे-गोवा आणि पुणे-सिंधुदुर्ग या दोन मार्गांवर विमानसेवा सुरू होत आहे. (Ganeshotsav 2024: मुंबई ते गोवा राष्ट्रीय महामार्गावर गणेशोत्सवदरम्यान जड वाहनांना वाहतूक बंदी; जाणून घ्या काय आहेत निर्बंध)
फ्लाय 91 विमान कंपनीकडून या दोन्ही मार्गांवर शनिवार आणि रविवारी ही विमानसेवा सुरू असणार आहे. त्यामुळे आता अवघ्या तासाभरात पुण्यातून कोकणात पोहचता येणार आहे. पुणे-सिंधूदुर्ग-पुणे या विमान सेवेमध्ये फ्लाइट क्रमांक आयसी 5302 विमान पुणे विमानतळावरून सकाळी आठ वाजून पाच मिनिटांनी उड्डाण करणार आहे. ते नऊ वाजून दहा मिनिटांनी सिंधूदुर्ग विमानतळावर पोहोचेल असा अंदाज व्यक्त केला जात आहे.(Ganeshotsav 2024: जाणून घ्या कसा साजरा कराल पर्यावरणपूरक गणेशोत्सव; राज्य शासनाने जारी केल्या उपयुक्त टिप्स)
तर, फ्लाइट क्रमांक आयसी 5303 सिंधूदुर्ग-पुणे-सिंधूदुर्ग हे विमान सिंधूदुर्गहून सकाळी साडेनऊ वाजता सुटणार आहे. ही फ्लाईट पुण्यामध्ये सकाळी दहा वाजून 35 मिनिटांनी दाखल होणार असल्याचा अंदाज आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)