बनावट E-Pass ला बळी पडू नका, पोलिस आणि जिल्हाधिकारी कार्यालयातूनच ई-पास घ्या- मुंबई पोलिसांचे नागरिकांना आवाहन

महाराष्ट्रात लॉकडाऊनच्या (Lockdown) चौथ्या टप्प्यात काही निर्बंध शिथिल करण्यात आले. महाराष्ट्रात आणि महाराष्ट्राबाहेर प्रवास करण्यासाठी परवानगी देण्यात आली. परंतु, त्यासाठी ई-पासचे (E-Pass) बंधन घालण्यात आले. मात्र आपत्कालीन परिस्थितीतच हे ई-पास देण्यात येत होते. तसंच त्यासाठी अधिकृत संकेतस्थळ सुरु करण्यात आले आहे. दरम्यान अपुऱ्या माहिती अभावी काही प्रवासी बनावट ई-पासला बळी पडत आहेत. त्यामुळेच बनावट ई-पास रॅकेटला आळा घालण्यासाठी मुंबईच्या डोंगरी परिसरातील झोन-1 चे डिसीपी संग्रामसिंह निशाणदार (Sangramsingh Nishandar) यांनी मुंबईकरांना विशेष आवाहन केले आहे. कोणत्याही अनधिकृत व्यक्ती किंवा संस्थेकडून ई-पास बनवून घेऊ नका. तुमच्या जवळील स्थानिक पोलिस स्टेशन किंवा जिल्हाधिकारी कार्यालयातूनच ई-पास घ्यावा, असे त्यांनी सांगितले आहे.

मुंबई पोलिसांनी ट्विटच्या माध्यमातून जनतेला सतर्क केले आहे. यात त्यांनी बनावट ई-पास रॅकेटला बळी पडू नका, असे आवाहन मुंबईकरांना केले आहे. ई-पास मिळवण्यासाठी Covid19.mhpolice.in या अधिकृत संकेतस्थळाला भेट द्या. तेथे तुमची सर्व माहिती भरुन आवश्यक ती कागदपत्रे जोडून सब्मिट करा. त्यानंतर तुमच्या माहितीची पडताळणी करुन तुम्हाला ई-पास देण्यात येईल. (लॉकडाउनच्या काळात आपात्कालीन प्रवासासाठी E-Pass कसा मिळवायचा? सविस्तर माहिती घ्या जाणून)

Mumbai Police Tweet:

कोविड-19 लॉकडाऊनमुळे राज्याच्या विविध ठिकाणी अडलेले नागरिक मूळ ठिकाणी परतण्यासाठी धडपडत आहेत. अशा परिस्थिती ई-पास मिळवण्यासाठी पुरेशी माहिती उपलब्ध नसल्यास चुकीच्या किंवा अनधिकृत व्यक्ती किंवा संस्थेकडून ई-पास मिळवला जातो. परंतु, नागरिकांची फसवणूक टाळण्यासाठी मुंबई पोलिसांनी हे सतर्कतेचे आवाहन केले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)