मुंबईच्या पाण्यात सापडला आहे मेगा व्हायरस; पाहा काय आहे त्याचे वैशिष्ट्य

Mega Virus Spotted In Mumbai: मुंबई शहरातील पाणी शुद्ध आहे असा दावा करण्यात आला असला तरी मुंबईतील जलाशयांमध्ये आता एक नवा व्हायरस सापडला आहे. या व्हायरसचे वैशिष्ट्य म्हणजे हा खूप वेगळा असून तो इतर व्हायरसच्या तुलनेत जलदगतीने मोठा होता. म्हणूनच या व्हायरसला 'मेगा व्हायरस' असे नाव देण्यात आले आहे. मुख्य म्हणजे या मेगा व्हायरसला घाबरण्याची आवश्यकता नाही कारण या व्हायरसपासून कोणताही धोका नसल्याचा दावा शास्त्रज्ञांनी केला आहे. विशेष म्हणजे शास्त्रज्ञांनी या मेगा व्हायरसला 'वांद्रे मेगाव्हायरस', 'कुर्ला व्हायरस' अशी नावे देखील दिली आहेत.

या विषाणूंचे वैशिष्ट्य म्हणजे हे एका शरीरातून दुसऱ्या शरीरात जातात. परंतु, त्यावेळी ते शरीरातून डीएनएची माहिती कॉपी करतात आणि त्या डीएनएचे दुसऱ्याच्या शरीरात वहन करतात, असा दावा या शास्त्रज्ञांनी केला आहे. आयआयटी मुंबईतील शास्त्रज्ञ डॉ. किरण कोंडाबागील यांच्या चमूने शहरातील सांडपाणी, डेअरी युनिटचा जल उपचार प्रकल्प, घरगुती जल शुद्धीकरणापूर्वीचे पाण्याचे नमुने त्यांनी तपासले. आणि त्याच्यावर अभ्यास केल्यावर त्यामधून त्यांनी हे मेगा व्हायरस शोधून काढले.

डेंग्यू बाधित व्यक्तीशी शरीर संबंध ठेवल्यास होऊ शकते लागण? जाणून घ्या सविस्तर

डॉ. किरण कोंडाबागील यांच्या चमूमध्ये अनिर्वण चटर्जी, राजेश यादव, अंकिता गुप्ता, शैलेश लाड, प्रतीभा घोडके या शास्त्रज्ञांचा समावेश असून या चमूने तब्बल पाच वर्षे यावर संशोधनावर काम केले.

अशा प्रकारचा मेगा व्हायरस या आधी इंग्लंडमध्ये आढळला होता. सन 1992 मध्ये इंग्लडच्या कुलिंग टॉवरमध्ये हा विषाणू सापडला होता. आणि त्यानंतरच या प्रकारातील व्हायरसचा शोध जगभरातील मोठ्या शहरांमध्ये घेण्यास सुरुवात झाली.