Water Cut | Representational & Edited Image (Photo Credits: Pixabay)

Thane Water Cut: ठाणेकरांसाठी अत्यंत महत्त्वाची बातमी आहे. ठाणे महानगरपालिकेने (टीएमसी) टेमघर जलशुद्धीकरण केंद्रात पावसाळ्यापूर्वीच्या आवश्यक देखभालीच्या कामांमुळे बुधवार, 4 जून 2025 रोजी 12 तासांचा पाणीपुरवठा बंद (Water Cut) ठेवण्याची घोषणा केली आहे. देखभालीच्या कामांमध्ये नियंत्रण पॅनेलची दुरुस्ती आणि प्रकल्पाच्या उच्च-दाब सबस्टेशनवरील इतर आवश्यक कामांचा समावेश आहे. बाधित भागातील रहिवाशांना आगाऊ पुरेसे पाणी साठवण्याचा आणि तात्पुरत्या गैरसोयींना सहकार्य करण्याचा सल्ला ठाणे महानगरपालिकेने दिला आहे.

या भागात पाणीपुरवठा पूर्णपणे बंद -

दरम्यान, ठाणे महानगरपालिकेने जारी केलेल्या अधिकृत अधिसूचनेनुसार, बुधवारी अनेक भागात सकाळी 9:00 ते रात्री 9:00 वाजेपर्यंत पाणीपुरवठा पूर्णपणे बंद राहील. घोडबंदर रोड, वर्तक नगर, रितू पार्क, जेल, गांधी नगर, रुस्तमजी, सिद्धांचल, समता नगर, सिद्धेश्वर, इटरनिटी, जॉन्सन आणि कळव्याचा काही भाग प्रभावित होतील.

टीएमसीने आपल्या अधिकृत एक्स पोस्टद्वारे शेअर केलेल्या घोषणेत, बुधवार, 4 जून रोजी 12 तासांच्या नियोजित पाणी कपातीसंदर्भात माहिती दिली आहे. या बंदचा थेट परिणाम न झालेल्या भागात पाणीपुरवठा प्राधिकरण (एसटीईएम) प्राधिकरणाच्या पर्यायी झोनिंग सिस्टीमद्वारे पाणीपुरवठा नेहमीप्रमाणे सुरू राहील. तथापि, त्या भागातील रहिवाशांना दिवसा कमी दाबाने किंवा अधूनमधून पुरवठा होऊ शकतो, असंही महानगरपालिकेने नमूद केलं आहे.

ठाण्यात 4 जूनला 12 तासांसाठी पाणीपुरवठा बंद -

मुंबई तसे उपनगरात मान्सून दाखल झाला असून पावसाळ्यात पाण्याची पायाभूत सुविधा विश्वसनीय आणि कार्यक्षम राहतील याची खात्री करण्यासाठी टीएमसीने हे देखभाल दुरुस्तीचे काम काढले आहे. नियोजित कामांमध्ये महत्त्वाच्या घटकांच्या दुरुस्तीचा समावेश आहे. तथापि, पावसाळ्यात पाणीपुरवठ्याच्या संभाव्य समस्या टाळण्यासाठी प्रतिबंधात्मक उपाय म्हणून महापालिकेने या दुरुस्तीचे महत्त्व अधोरेखित केले.