Contractual Police Recruitment: 'कुठलीतरी कंपनी नजरेसमोर ठेवून कंत्राटी पद्धतीने पोलीस भरतीचा अजेंडा'; राज्य सरकारवर Jitendra Awhad यांची खडसून टीका
राज्य सुरक्षा महामंडळामार्फत कंत्राटी पद्धतीने जास्तीतजास्त 11 महिन्यांसाठी ही भरती करण्यात येणार असल्याची माहिती मिळत आहे.
राज्य सरकार मुंबई पोलीस दलात तीन हजार कंत्राटी पोलिसांची भरती करणार असल्याचे वृत्त अनेक माध्यमांनी दिले आहे. राज्य सुरक्षा महामंडळामार्फत कंत्राटी पद्धतीने जास्तीतजास्त 11 महिन्यांसाठी ही भरती करण्यात येणार असल्याची माहिती मिळत आहे. आता सरकारच्या या निर्णयाविरोधात राष्ट्रवादी नेते जितेंद्र आव्हाड यांनी टीका केली आहे. याबाबत केलेल्या ट्वीटमध्ये आव्हाड म्हणतात, ‘कंत्राटी पद्धतीने पोलीस भरतीचा अजेंडा हा कुठलितरी कंपनी नजरेसमोर ठेवून केलेला आहे. हे सरकार कॉन्ट्रॅक्टदारांचे सरकार आहे.’
ते पुढे म्हणतात, ‘एकीकडे जगभरामधून कॉन्ट्रॅक्ट नाहिसे करा यासाठी प्रयत्न केले जात असताना आपल्या राज्यामध्ये मात्र कॉन्ट्रॅक्ट पद्धतीने कामगारांचे शोषण करण्याचे काम अधिक जोमाने सुरु आहे. कॉन्ट्रॅक्ट म्हणजे कामगारांच शोषण हे काही मी वेगळं सांगायला नको. मी आपल्याला ग्वाही देतो की, मी तर आपल्यासोबत उभा राहणारच पण, आपल्या मोर्चामध्ये माझी पत्नी देखिल सहभागी होईल. मी फक्त पाठीमागून समर्थन देणार नाही तर आम्ही तुमच्यासोबत उतरुन तुम्हांला समर्थन देऊ.’ (हेही वाचा: Contract Basis Recruitment: सरकार वरमले, निर्णयाला ब्रेक)
कंत्राटी पद्धतीने पोलीस भरतीचा अजेंडा हा कुठलितरी कंपनी नजरेसमोर ठेवून केलेला आहे. हे सरकार कॉन्ट्रॅक्टदारांचे सरकार आहे. महाराष्ट्रातील सर्वात मुख्य प्रशासकीय घटक कोण आहेत तर ते पोलीस आहेत. पोलीस हे काही कसेही भरती केले जात नाहीत. त्यांची शारीरीक क्षमता, त्यांची बौद्धिक क्षमता…
— Dr.Jitendra Awhad (@Awhadspeaks) July 25, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jul 25, 2023 06:55 PM IST. For more news and updates on politics, world, sports, entertainment and lifestyle, log on to our website latestly.com).
