QuickLY
Socially
महाराष्ट्रातील ठाण्यात (Thane) मंगळवारी एक अपघात झाला. येथे एका दुमजली इमारतीत एका खोलीच्या छतावरून प्लास्टर (Plaster) पडले. प्लास्टर पडल्याने खोलीत राहणारे दाम्पत्य जखमी झाले, त्यांना उपचारासाठी रुग्णालयात दाखल करण्यात आले. मिळालेल्या माहितीनुसार, ही घटना शहरातील कोपरी (Kopari) येथील चिखलवाडी (Chikhalwadi) परिसरात सकाळी 10.30 च्या सुमारास घडली आहे. या अपघाताबाबत माहिती देताना ठाणे महापालिकेच्या (TMC) प्रादेशिक आपत्ती व्यवस्थापन कक्षाचे (RDMC) प्रमुख अविनाश सावंत म्हणाले की, शहरातील कोपरी येथील चिखलवाडी परिसरात सकाळी 10.30 वाजण्याच्या सुमारास ही घटना घडली.
हे जोडपे दुसऱ्या मजल्यावर सार्वजनिक शौचालयाच्या वरच्या खोलीत राहत होते. या खोलीच्या छतावरून प्लास्टर पडल्याने दोघे जखमी झाले. आकाश करोटिया आणि त्यांची पत्नी मनीषा या जखमी जोडप्याला रुग्णालयात नेण्यात आले, असे आरडीएमसीच्या अधिकाऱ्याने सांगितले. यासोबतच आरडीएमसीच्या पथकाने तेथील धोकादायक अवस्थेत असलेला डेब्रिज हटवला आहे.
याआधी ठाणे जिल्ह्यातील उल्हासनगरमध्ये अशीच एक घटना घडली होती. येथे पाच मजली घराचा काही भाग कोसळल्याने 4 जणांचा मृत्यू झाला असून या अपघातात एक जण जखमी झाला आहे. उल्हासनगर कॅम्प 5 मध्ये असलेल्या इमारतीच्या तिसऱ्या मजल्यावर स्लॅब कोसळल्याने हा भीषण अपघात झाला. हेही वाचा Onion Crisis In Maharashtra: अतिवृष्टीमुळे कांद्याची शेती उद्ध्वस्त, दिवाळीपूर्वी नुकसान भरपाई देण्याची शेतकऱ्यांची मागणी
या घटनेनंतर समोर आलेल्या माहितीमध्ये या इमारतीत 30 फ्लॅट्स बेकायदा असल्याचे आढळून आले असून त्याबाबत यापूर्वीच नोटीस देण्यात आली होती. सागर ओचनी, प्रिया धनवानी, रेणू ढोलनदास धनवानी आणि ढोलदास धनवानी अशी मृतांची नावे आहेत.
