Viral Video: कालिंदी एक्सप्रेसमध्ये भांडण, प्रवाशांनी मद्यधुंद व्यक्तीला ट्रेनमधून फेकले खाली, कानपूर घटनेचा व्हिडिओ व्हायरल

Viral Video: कानपूरमध्ये एक मोठी घटना समोर आली आहे. ज्यात कानपूर-कासगंज रेल्वे ट्रॅकवर बिल्हौरमधील उत्तरपुरा स्टेशनवर एका मद्यधुंद व्यक्तीला प्रवाशांनी ट्रेनमधून खाली ढकलले. त्यामुळे ती व्यक्ती खाली पडली. ट्रेन एका जागी उभी होती हे सुदैव म्हणावे लागेल. मिळालेल्या माहितीनुसार, कानपूरहून फारुखाबादला जाणाऱ्या कालिंदी एक्स्प्रेसमध्ये एका मद्यधुंद व्यक्तीचे ट्रेनमध्ये उभ्या असलेल्या लोकांशी भांडण झाले होते. त्यानंतर संतप्त प्रवाशांनी त्याला ट्रेनमधून खाली फेकले. यामुळे प्रवासी गंभीर जखमी झाले आहेत. या संपूर्ण घटनेचा व्हिडिओ सध्या सोशल मीडियावर व्हायरल होत आहे. हे देखील वाचा: Pune Weather forecast For Tomorrow: पुण्यात उद्याचे हवामान कसे? जाणून घ्या हवामान अंदाज!

असे बोलले जात आहे की, प्रवासी दारूच्या नशेत होता आणि ट्रेनमध्ये शिवीगाळ करत होता, ज्यामुळे हाणामारी झाली आणि मारामारीदरम्यान त्याला फेकले. यानंतर खाली पडलेल्या व्यक्तीने दगडफेक करण्यास सुरुवात केली, त्यामुळे लोकांनी ट्रेनचे दरवाजे आणि खिडक्या बंद केल्या.