UP: पुरुष टेलर महिलांच्या कपड्यांचे मोजमाप घेऊ शकणार नाही, जिममध्ये महिला प्रशिक्षक असावेत; सुरक्षेबाबत महिला आयोगाच्या सूचना

UP: उत्तर प्रदेशमध्ये महिलांच्या सुरक्षेचा विचार करून, राज्य महिला आयोगाने महत्त्वपूर्ण मार्गदर्शक तत्त्वे प्रस्तावित केली आहेत, ज्यानुसार पुरुष टेलर यापुढे महिलांच्या कपड्यांचे मोजमाप करू शकणार नाहीत. मार्गदर्शक तत्त्वांनुसार, पुरुष शिंप्यांना महिलांच्या कपड्यांचे मोजमाप घेण्यास मनाई आहे. यासोबतच महिला आयोगाने जिम आणि योग केंद्रांसाठी नवीन व्यवस्था लागू करण्यास सांगितले आहे. ज्या अंतर्गत आता महिलांच्या जिम आणि योगा सेंटरमध्ये फक्त महिला प्रशिक्षकांची नियुक्ती केली जाणार आहे. जिम चालकांनाही महिलांसाठी महिला प्रशिक्षकांची नेमणूक करावी लागणार आहे. यासंबंधीचे आदेशही सर्व जिल्ह्यांना जारी करण्यात आले आहेत.

तसेच, महिलांसाठी विशेष कपडे विकणाऱ्या दुकानांना ग्राहकांना मदत करण्यासाठी महिला कर्मचाऱ्यांची नियुक्ती करावी लागेल. कोचिंग सेंटरमध्येही महिलांसाठी सीसीटीव्ही आणि स्वच्छतागृहे असणे आवश्यक आहे. या प्रस्तावांतर्गत महिलांच्या सुरक्षेला प्राधान्य देत बुटीक, जिम, कोचिंग सेंटर आणि इतर ठिकाणी अनेक महत्त्वाचे बदल करण्यात आले आहेत. हे सर्व नियम महिलांची सुरक्षितता लक्षात घेऊन ठरवण्यात आले आहेत.

या मार्गदर्शक तत्त्वांचा उद्देश महिलांची सुरक्षा अधिक मजबूत करणे हा आहे. हा प्रस्ताव शासनाच्या मान्यतेच्या प्रतीक्षेत आहे. सरकारकडून मंजुरी मिळताच याबाबत नवीन धोरण येऊ शकते.