Jammu Kashmir Update: श्रीनगरमध्ये दहशतवाद्यांनी केली पोलीस कर्मचाऱ्याची हत्या, हल्लेखोरांचा शोध सुरू
पोलीस सूत्रांनी सांगितले की, ही घटना श्रीनगरमधील बटमालू (Batmaloo) भागात घडली. अधिका-यांनी सांगितले की, परिसराची नाकेबंदी करण्यात आली असून हल्लेखोरांचा शोध सुरू आहे. तौसिफ अहमद असे या पोलीस हवालदाराचे नाव आहे.
जम्मू-काश्मीरच्या (Jammu Kashmir) श्रीनगरमध्ये (Srinagar) रविवारी संध्याकाळी एका 29 वर्षीय पोलीस कर्मचाऱ्याची दहशतवाद्यांनी (Terrorists) गोळ्या झाडून हत्या केली आहे. पोलीस सूत्रांनी सांगितले की, ही घटना श्रीनगरमधील बटमालू (Batmaloo) भागात घडली. अधिका-यांनी सांगितले की, परिसराची नाकेबंदी करण्यात आली असून हल्लेखोरांचा शोध सुरू आहे. तौसिफ अहमद असे या पोलीस हवालदाराचे नाव आहे. ते म्हणाले, रात्री आठ वाजण्याच्या सुमारास, एसडी कॉलनी, बटामालू येथील त्यांच्या निवासस्थानाजवळ दहशतवाद्यांनी जम्मू आणि काश्मीर पोलिसांचे कॉन्स्टेबल तौसिफ अहमद (Constable Tousif Ahmed) यांच्यावर गोळीबार केला. पोलीस कर्मचाऱ्याला गंभीर दुखापत झाली असून त्याला उपचारासाठी येथील एसएमएचएस रुग्णालयात दाखल करण्यात आले असता डॉक्टरांनी त्याला मृत घोषित केले.
दरम्यान, नॅशनल कॉन्फरन्सने (NC) या हल्ल्याचा निषेध केला आहे. पक्षाने ट्विट केले की, श्रीनगरच्या बाटमालू येथे 29 वर्षीय पोलीस कर्मचाऱ्यावर झालेल्या भ्याड हल्ल्याचा स्पष्टपणे निषेध करतो ज्यात त्याचा जीव गेला. निंदा करायला शब्द पुरणार नाहीत. अल्लाह त्यांना स्वर्गात स्थान देवो. या दु:खाच्या वेळी त्यांच्या कुटुंबियांसोबत आणि मित्रांसोबत आमच्या संवेदना आहेत.
Unequivocally condemn the cowardly & dastardly attack on 29 year old policeman in Batmaloo, Srinagar in which he lost his life. No words of condemnation would be enough! May Allah grant him a place in Jannat. Our hearts go out to his family and friends at this time of grief.
— JKNC (@JKNC_) November 7, 2021
यापूर्वी ऑक्टोबरमध्ये काश्मीर खोऱ्यात दहशतवाद्यांनी 11 नागरिकांची हत्या केली होती. ज्यामध्ये शाळेतील शिक्षक, इतर राज्यातील मजूर आणि औषध दुकानदार यांचाही सहभाग होता. रविवारी शोपियान जिल्ह्यातील रुग्णालयातून 'द रेझिस्टन्स फ्रंट'च्या एका दहशतवाद्याला अटक करण्यात आली. एका पोलीस अधिकाऱ्याने सांगितले की, पोलिसांना माहिती मिळाली होती की टीआरएफचा सक्रिय दहशतवादी जिल्हा रुग्णालयात उपचार घेत आहे.
Jammu & Kashmir | A 29-year old policeman shot dead by terrorists in Batamaloo area of Srinagar: Police source
— ANI (@ANI) November 7, 2021
सोहेल अहमद लोन असे या दहशतवाद्याचे नाव असून तो शोपियानच्या हरमेन भागातील रहिवासी आहे. त्याला ताब्यात घेण्यात आले आणि गंभीर अवस्थेत श्रीनगरच्या SMHS रुग्णालयात दाखल करण्यात आले, असे अधिकाऱ्याने सांगितले. त्याने सांगितले की, दहशतवाद्याच्या मानेवर गोळीचा घाव आहे. त्याच्या दुखापतीमागील कारणाचा पोलीस तपास करत आहेत.
(The above story first appeared on LatestLY on Nov 07, 2021 11:27 PM IST. For more news and updates on politics, world, sports, entertainment and lifestyle, log on to our website latestly.com).
