कोण आहेत प्रा. शिवराज मोटेगावकर? नीट पेपरफुटी प्रकरणात सीबीआय कडून अटक

देशभरातील वैद्यकीय प्रवेशासाठी अत्यंत महत्त्वाची असलेल्या नीट (NEET-UG 2026) परीक्षेच्या पेपरफुटी प्रकरणात केंद्रीय अन्वेषण विभागाने (CBI) मोठी कारवाई केली आहे. महाराष्ट्रातील लातूर येथील प्रसिद्ध 'रेणुकाई करिअर सेंटर' (RCC) कोचिंग क्लासेसचे संस्थापक शिवराज मोटेगावकर यांना सीबीआयने अटक केली आहे. या हाय-प्रोफाईल घोटाळ्यात सीबीआयकडून झालेली ही दहावी अटक आहे. मोटेगावकर हे पेपर लीक करणाऱ्या आणि त्याचे वितरण करणाऱ्या संघटित टोळीचे 'सक्रिय सदस्य' असल्याचा आरोप तपास यंत्रणेने केला आहे.

कोण आहे शिवराज मोटेगावकर?

शिवराज रघुनाथ मोटेगावकर (ज्यांना 'एम सर' म्हणूनही ओळखले जाते) हे महाराष्ट्राच्या शैक्षणिक वर्तुळातील, विशेषतः लातूर पॅटर्नमधील एक मोठे नाव आहे.सुरुवात आणि विस्तार: एका शेतकरी कुटुंबातून आलेल्या मोटेगावकर यांनी आपल्या करिअरची सुरुवात सायकलवरून जाऊन खाजगी शिकवणी घेण्यापासून केली होती. १९९० च्या उत्तरार्धात त्यांनी अवघ्या १० विद्यार्थ्यांसह एका भाड्याच्या खोलीत शिकवणी वर्ग सुरू केला.

कोचिंग क्षेत्रात दबदबा:

रसायनशास्त्र (Chemistry) विषयातील सुवर्णपदक विजेते असलेल्या मोटेगावकर यांनी आपल्या अध्यापन कौशल्याच्या जोरावर 'आरसीसी'चा विस्तार केला. आज या संस्थेच्या महाराष्ट्रातील सात ते नऊ जिल्ह्यांमध्ये शाखा पसरलेल्या असून दरवर्षी हजारो विद्यार्थी येथे नीट, जेईई (JEE) आणि सीईटी (CET) च्या तयारीसाठी प्रवेश घेतात.नीट पेपरफुटी प्रकरणाशी काय आहे संबंध?सीबीआयच्या तपासानुसार, ३ मे रोजी झालेल्या नीट परीक्षेच्या आधीच प्रश्नपत्रिका आणि त्यांची उत्तरे लीक झाली होती. या प्रकरणात मोटेगावकर यांचा थेट संबंध असल्याचे समोर आले आहे.

प्रश्नपत्रिकेची साधर्म्य आणि सीबीआयचे छापे१४ मे रोजी सीबीआयने मोटेगावकर यांच्या लातूर येथील निवासस्थानावर आणि कोचिंग इन्स्टिट्यूटच्या विविध शाखांवर छापे टाकले. या कारवाई दरम्यान सीबीआयला एक रसायनशास्त्राचा (Chemistry) क्वेश्चन बँक मिळाला. तपास यंत्रणेच्या दाव्यानुसार, या क्वेश्चन बँकेतील प्रश्न आणि ३ मे रोजी झालेल्या प्रत्यक्ष नीट परीक्षेतील प्रश्न अगदी तंतोतंत सारखे होते. तसेच त्यांच्या मोबाईल फोनमध्येही लीक झालेल्या प्रश्नपत्रिकेची प्रत आढळल्याचा आरोप आहे, जी फॉरेन्सिक तपासणीसाठी पाठवण्यात आली आहे.

एनटीए (NTA) अधिकाऱ्यांशी संशयास्पद संबंधतपासात असे समोर आले आहे की, नॅशनल टेस्टिंग एजन्सीशी (NTA) संबंधित असलेले आणि आधीच अटक झालेले निवृत्त व्याख्याते पी. व्ही. कुलकर्णी यांच्याशी मोटेगावकर यांचे जवळचे संबंध आहेत. या दोघांनी संगनमत करून परीक्षेपूर्वीच प्रश्नपत्रिका मिळवली आणि ती काही ठराविक विद्यार्थ्यांना पुरवली, असा सीबीआयचा संशय आहे.

(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).