Mumbai Pune Expressway Missing Link: मुंबई-पुणे एक्सप्रेसवेवरील 'मिसिंग लिंक' मार्ग वाहतुकीसाठी पुन्हा सुरू
मुंबई-पुणे एक्सप्रेसवेवरील नवनिर्मित 'मिसिंग लिंक' प्रकल्पाच्या मार्गावर दरड कोसळल्यामुळे झालेली कोंडी तब्बल १८ तासांच्या अथक प्रयत्नांनंतर दूर करण्यात आली आहे. हा मार्ग आता सुरू झाला असला, तरी हवामान खात्याचा इशारा लक्षात घेता नागरिकांना गरज असल्यास प्रवास करण्याचे आवाहन करण्यात आले आहे.
मुसळधार पावसामुळे मुंबई-पुणे एक्सप्रेसवेवरील नवनिर्मित 'मिसिंग लिंक' (Missing Link) मार्गावर दरड कोसळल्याची घटना घडली होती. या घटनेनंतर सुरक्षेचा उपाय म्हणून खबरदारी घेत प्रशासनाने हा मार्ग तात्काळ बंद केला होता. मात्र, महाराष्ट्र राज्य रस्ते विकास महामंडळाच्या (MSRDC) पथकाने युद्धपातळीवर काम करून रस्त्यावरील ढिगारा हटवला असून, सुरक्षेची खात्री पटल्यानंतर हा मार्ग वाहतुकीसाठी पुन्हा खुला करण्यात आला आहे. मुंबई आणि पुण्यातील संपर्क व्यवस्था पूर्ववत झाली असली, तरी घाट परिसरातील हवामान पाहता केवळ अत्यंत आवश्यक काम असल्यास प्रवास करावा, असे आवाहन प्रशासनाने केले आहे.
The Missing Link and Mum-Pune Expressway is now open. If you're wondering whether the connectivity is restored between Mumbai and Pune, it is.
I took this video today morning from Pune to Mumbai.
But travel only if necessary... pic.twitter.com/6YE9Dui5Fk
— Purva Chitnis (@ChitnisPurva) July 7, 2026
(The above story first appeared on LatestLY on Jul 07, 2026 12:03 PM IST. For more news and updates on politics, world, sports, entertainment and lifestyle, log on to our website latestly.com).
