BJP Foundation Day: भाजप 6 एप्रिलला साजरा करणार पक्षाचा स्थापना दिवस; देशातील 10 लाख ठिकाणी दाखवले जाणार PM Narendra Modi यांचे भाषण

भारतीय जनता पक्षाचा स्थापना दिवस (BJP Foundation Day) 6 एप्रिल रोजी साजरा होणार आहे. हा दिवस मोठ्या थाटामाटात साजरा करण्याची तयारी पक्षाकडून सुरू आहे. स्थापना दिनी केंद्रातील सत्ताधारी भाजप पंतप्रधान नरेंद्र मोदी यांचे भाषण देशातील 10 लाख ठिकाणी दाखवणार आहे. भाजपच्या एका ज्येष्ठ नेत्याच्या माध्यमातून ही माहिती समोर आली आहे. एएनआय या वृत्तसंस्थेनुसार, या दिवशी भाजप अध्यक्ष जेपी नड्डा सकाळी दिल्लीतील पक्षाच्या मुख्यालयात ध्वजारोहण करतील. याशिवाय ते कार्यकर्त्यांना संबोधित करणार आहेत.

यानंतर पंतप्रधान नरेंद्र मोदी यांचे भाषण देशभर ऐकवले जाणार आहे. भाजप नेते म्हणाले, सर्व बूथ स्तरावरील कार्यकर्त्यांना याबाबत माहिती देण्यात आली आहे. यासोबतच कार्यकर्त्यांना याबाबतचे पत्रही देण्यात आले आहे. भाजप 6 एप्रिल रोजी आपला 43 वा स्थापना दिवस (वाढदिवस) साजरा करणार आहे. बाबा साहेब आंबेडकर यांची जयंती 6 एप्रिल ते 14 एप्रिल हा सामाजिक न्याय सप्ताह म्हणून साजरा करण्याचा निर्णय पक्षाने घेतला आहे. यावेळी गरीब, शोषित, वंचित, अनुसूचित जाती, अनुसूचित जमाती आणि मागासवर्गीयांच्या कल्याणासाठी उचललेल्या पावलांवर चर्चा केली जाईल.

देशभरातील कार्यकर्त्यांना स्थापना दिन उत्साहात साजरा करण्याच्या सूचना देण्यात आल्या आहेत. यासोबतच पक्षाचा झेंडा फडकावा आणि मिठाई व फळे वाटण्यात यावीत, असेही सांगण्यात आले आहे. प्रत्येक बूथवर पंतप्रधानांचे भाषण ऐकण्याच्या सूचना देण्यात आल्या आहेत. प्रत्येक बूथ अध्यक्षाच्या घरी पक्षाचा झेंडा फडकवा जाणार आहे. (हेही वाचा: Ghulam Nabi Azad Becomes Modi Fan: पंतप्रधान नरेंद्र मोदी उदार असल्याचा असल्याचा गुलाम नबी आजाद याना साक्षात्कार; तोंडभरुन कौतुक)

बाबासाहेब आंबेडकर यांच्या जयंतीनिमित्त सर्व तालुके, जिल्हा व राज्य कार्यालयात बाबासाहेबांच्या फोटोला पुष्प अर्पण करावे. परिसरात स्वच्छता मोहीम राबवावी आणि मोदी सरकारने अनुसूचित जातीच्या कल्याणासाठी घेतलेल्या निर्णयांवर चर्चा करण्याचे निर्देश आहेत. तसेच थोर समाजसुधारक आणि विचारवंत ज्योतीबा फुले यांच्या जयंतीनिमित्त 11 एप्रिल रोजी त्यांच्या प्रतिमेला पुष्पहार अर्पण करण्याच्या सूचना देण्यात आल्या आहेत.