Mushtaq Ahmed Zargar: अल उमर मुजाहिद्दीनचा कमांडर इन चीफ मुश्ताक अहमद जरगर दहशतवादी घोषित; गृह मंत्रालयाचा मोठा निर्णय
मुश्ताक अहमद जरगर, अल-उमर मुजाहिद्दीनचा संस्थापक आणि मुख्य कमांडर, 1999 च्या एअर इंडियाच्या विमान अपहरणात सोडण्यात आलेल्या पाच दहशतवाद्यांपैकी एक होता.
Mushtaq Ahmed Zargar: केंद्रीय गृहमंत्रालयाने मोठा निर्णय घेतला आहे. दहशतवादाविरोधात कठोर निर्णय घेत मंत्रालयाने अल उमर मुजाहिदीन (Founder and Chief Commander of AlUmar-Mujahideen) या दहशतवादी संघटनेचा प्रमुख मुश्ताक अहमद जरगर (Mushtaq Ahmed Zargar) याला दहशतवादी (Terrorist) घोषित केले. मुश्ताक अहमद जरगर, अल-उमर मुजाहिद्दीनचा संस्थापक आणि मुख्य कमांडर, 1999 च्या एअर इंडियाच्या विमान अपहरणात सोडण्यात आलेल्या पाच दहशतवाद्यांपैकी एक होता. तो काश्मिरी दहशतवादी आहे.
मिळालेल्या माहितीनुसार, तो सध्या पाकिस्तानमध्ये राहतो. यापूर्वी गृहमंत्रालयाने कुख्यात दहशतवादी गँगस्टर हाफिज सईदचा मुलगा तलहा सईद यालाही दहशतवादी घोषित केले होते. 52 वर्षीय मुश्ताक हा 1999 मध्ये अफगाणिस्तानमधील कंदहारला जाणाऱ्या इंडियन एअरलाइन्सच्या विमानात बसलेल्या 814 च्या 150 हून अधिक बंधकाच्या बदल्यात सुटका करण्यात आलेल्या दहशतवाद्यांपैकी एक होता. बेकायदेशीर शस्त्रास्त्रे आणि दारूगोळ्याचे प्रशिक्षण घेण्यासाठी तो पाकिस्तानात गेल्याचे समजते. (हेही वाचा -
टाइम्स ऑफ इंडियाच्या अहवालात गृह मंत्रालयाच्या हवाल्याने म्हटले आहे की, जरगर जम्मू-काश्मीरमध्ये दहशतवादाला प्रोत्साहन देण्यासाठी पाकिस्तानकडून मोहीम चालवत आहे. खून, खुनाचा प्रयत्न, अपहरण, नियोजन आणि दहशतवादी हल्ले आणि दहशतवादी फंडिंग यासह अनेक दहशतवादी गुन्ह्यांमध्येही त्याची प्रमुख भूमिका असल्याचे गृह मंत्रालयाने म्हटले आहे. त्यामुळे त्याला दहशतवादी घोषित करण्यात आले आहे.