Haridwar flood: हरिद्वार, उत्तराखंडमध्ये मुसळधार पावसाने केला कहर, क्रेनने काढण्यात आल्या गाड्या

Haridwar flood: हरिद्वार, उत्तराखंडमध्ये, शनिवारी झालेल्या मुसळधार पावसानंतर नाल्यात वाहून गेलेल्या खारखरीजवळ गंगा नदीत बुडलेल्या 4 वाहनांना SDRF टीमने बाहेर काढले आहे. नदीतून बाहेर काढलेली चार वाहने जिल्हा पोलिसांच्या ताब्यात देण्यात आली आहेत. राज्यातील पावसामुळे नद्यांच्या पाणी पातळीत सातत्याने वाढ होत आहे. डोंगराळ भागात मुसळधार पावसामुळे गंगा नदी तसेच राज्यातील सर्व उपनद्यांच्या पाणी पातळीत वाढ झाली आहे. हरिद्वारमध्ये शनिवारी झालेल्या पहिल्या पावसाने प्रशासनाच्या तयारीचा पर्दाफाश केला आहे. जिल्ह्याच्या उत्तर भागात मुसळधार पावसामुळे रस्त्यावर पाणी साचले, लोकांच्या घरात पाणी शिरले आणि बाहेर पार्क केलेल्या गाड्या गंगेत वाहून गेल्या. त्याचा व्हिडिओही वेगाने व्हायरल झाला.

पुरात वाहून गेलेली चार वाहने क्रेनने बाहेर काढण्यात आली

पावसामुळे स्थानिकांचेही मोठे हाल झाले आहेत. जनजीवन विस्कळीत झाले आहे. धोकादायक स्थितीमुळे रहिवासी आणि पर्यटकांनी नदीत स्नान करणे टाळावे, असा सल्ला प्रशासनाने दिला आहे. त्याचवेळी हवामान खात्यानेही राज्यात अतिवृष्टीचा इशारा दिला आहे.