Delhi Shocker: आर्थिक संकटाला कंटाळून पत्नीसह दोन मुलांची हत्या करून व्यक्तीची आत्महत्या
याबाबत राजेशच्या भावाने तात्काळ पोलिसांना माहिती दिली, मात्र पोलिस घटनास्थळी पोहोचले तोपर्यंत उशीर झाला होता. राजेशने पत्नी आणि दोन निष्पाप मुलांची हत्या केली, ज्यामध्ये मोठा मुलगा 5 वर्षांचा आणि लहान मुलगा 4 महिन्यांचा होता.
दिल्लीतील (Delhi) द्वारका (Dwarka) येथील विपिन गार्डन परिसरात एक धक्कादायक घटना समोर आली आहे. एका 38 वर्षीय व्यक्तीने आपल्या 35 वर्षीय पत्नी आणि दोन मुलांची हत्या (Murder) केली. खून केल्यानंतर राजेशने मनगट कापून आत्महत्येचा (Suicide) प्रयत्न केला. द्वारका येथील विपिन गार्डन परिसरात राजेश आपल्या कुटुंबासह सुमारे 4 वर्षांपासून भाड्याच्या घरात राहत होता. बायको घरी कपडे शिवायची. राजेशने सकाळी त्याच्या व्हॉट्सअॅप ग्रुपवर मेसेज करून आर्थिक संकटातून जात असल्याचे सांगितले होते, त्यानंतर त्याच्या मित्राने राजेशच्या भावाला माहिती दिली आणि प्रकरणाचे गांभीर्य समजावून सांगितले.
याबाबत राजेशच्या भावाने तात्काळ पोलिसांना माहिती दिली, मात्र पोलिस घटनास्थळी पोहोचले तोपर्यंत उशीर झाला होता. राजेशने पत्नी आणि दोन निष्पाप मुलांची हत्या केली, ज्यामध्ये मोठा मुलगा 5 वर्षांचा आणि लहान मुलगा 4 महिन्यांचा होता. पोलिसांनी दिलेल्या माहितीनुसार, राजेश हा आर्थिक संकटाशी झुंजत होता, त्यामुळे नाराज होऊन त्याने हे पाऊल उचलले आहे. हेही वाचा Mumbai: पत्नीला तिहेरी तलाक दिल्याप्रकरणी एका व्यक्तीवर गुन्हा दाखल
राजेशची प्रकृती गंभीर असून, त्याला दीनदयाल उपाध्याय रुग्णालयात दाखल करण्यात आले आहे. त्याचबरोबर पत्नी आणि मुलाचे मृतदेह पोस्टमॉर्टमसाठी पाठवण्यात आले आहेत. पोलिसांनी राजेशविरुद्ध खुनाचा आणि आत्महत्येचा गुन्हा दाखल केला आहे. राजेशच्या शेजाऱ्यांकडून मिळालेल्या माहितीनुसार, हे कुटुंब जवळपास 4 वर्षांपासून या घरात भाड्याने राहत होते.
शेजाऱ्यांनी सांगितले की कुटुंब शांत आणि कार्याभिमुख होते, कोणीही भांडण ऐकले नाही किंवा कुटुंबाने कोणाशीही गैरवर्तन केले नाही. असे काही घडेल यावर शेजाऱ्यांना अजूनही विश्वास बसत नाही. आजूबाजूच्या परिसरात शोककळा पसरली असून वातावरण अतिशय शोकाकुल आहे. लोकांना खात्री नाही की त्यांच्या पुढे असे काही घडले आहे, लोक घरे सोडण्यास घाबरतात.