काँग्रेस अध्यक्षपदाच्या निवडणुकीचे उमेदवार Mallikarjun Kharge आज दुपारी 12.30 वाजता घेणार Press Conference

काँग्रेस अध्यक्षपदाच्या निवडणुकीचे उमेदवार मल्लिकार्जुन खरगे (Mallikarjun Kharge) आज दुपारी 12.30 वाजता 10- राजाजी मार्गावर पत्रकार परिषद (Press conference) घेणार आहेत. एक दिवस आधी त्यांनी राज्यसभेतील विरोधी पक्षनेतेपदाचा राजीनामाही दिला होता. काँग्रेस अध्यक्षपदासाठी झारखंडचे माजी मंत्री केएन त्रिपाठी (KN Tripathi) यांचा उमेदवारी अर्ज शनिवारी फेटाळण्यात आल्याने पक्षाचे नेते मल्लिकार्जुन खर्गे आणि शशी थरूर (Shashi Tharoor) यांच्यात थेट लढत झाली. शुक्रवारी या तिन्ही नेत्यांनी उमेदवारी अर्ज दाखल केले असून, या प्रक्रियेचा शेवटचा दिवस होता. उमेदवारी अर्ज मागे घेण्याची शेवटची तारीख 8 ऑक्टोबर असून त्याच दिवशी सायंकाळी 5 वाजता उमेदवारांची अंतिम यादी प्रसिद्ध केली जाईल.

काँग्रेस पक्ष 22 वर्षांनंतर अध्यक्ष निवडणार आहे. यापूर्वी 2000 साली काँग्रेस अध्यक्षपदासाठी निवडणूक झाली होती. 30 सप्टेंबर रोजी झालेल्या नामांकनात तीन नेत्यांनी नामांकन केले होते, त्यापैकी केएन त्रिपाठी यांचा अर्ज फेटाळण्यात आला आहे. अशा स्थितीत मल्लिकार्जुन आणि शशी थरूर यांच्यात स्पर्धा आहे. मल्लिकार्जुन खर्गे या निवडणुकीत विजयी झाल्यास ते पक्षाचे सर्वात वयस्कर अध्यक्ष बनतील. त्यांचे वय 80 वर्षे आहे. हेही वाचा Gandhi Jayanti 2022: नवी दिल्लीतील राजघाट येथील महात्मा गांधींच्या समाधीवर अनेक मान्यवर नेत्यांनी वाहिली आदरांजली, पहा फोटो

24 सप्टेंबरपासून अध्यक्षपदासाठी नामांकन प्रक्रिया सुरू झाली. गेल्या शुक्रवारी म्हणजेच 30 सप्टेंबर ही उमेदवारी अर्ज भरण्याची शेवटची तारीख होती. 8 ऑक्टोबर ही उमेदवारी अर्ज मागे घेण्याची तारीख ठेवण्यात आली आहे. त्याचवेळी 17 ऑक्टोबरला मतदान होणार आहे. त्यानंतर 19 ऑक्टोबरला मतमोजणी होणार असून काँग्रेसला नवा अध्यक्ष मिळणार आहे.