Agra: महिलेवर बलात्काराच्या घटनेनंतर आग्रा शहरातील 50 जिम बंद, 200 जिमला पाठवल्या नोटीस, पोलिसांची कारवाई

Agra: उत्तर प्रदेशातील आग्रा येथे महिलेवर झालेल्या बलात्काराच्या घटनेनंतर आग्रा पोलीस कारवाईत आले असून सर्व अवैध जिमवर कारवाई करण्यात येत आहे. मिळालेल्या माहितीनुसार, पोलिसांनी आतापर्यंत 50 जिम बंद केल्या असून 200 जिमना नोटिसा पाठवल्या आहेत. सर्व जिमचीही तपासणी केली जात असून नियमांचे पालन केले जात आहे की नाही हे पाहिले जात आहे. दरम्यान, जिम चालकांकडून नियमांकडे दुर्लक्ष होत असल्याचे दिसून आले. हे देखील वाचा: Tram Services to Discontinue in Kolkata: लवकरच बंद होणार कोलकात्यातील 150 वर्षे जुनी ट्राम सेवा; शहरातील वाहतूक कोंडी टाळण्यासाठी पश्चिम बंगाल सरकारचा मोठा निर्णय

पोलिसांनी दिलेल्या माहितीनुसार, जीममध्ये पुरुष आणि महिला दोघेही येतात, मात्र महिलांसाठी एक-दोनच महिला प्रशिक्षक असतात. याशिवाय जिम चालकांकडून फायर एनओसीही घेण्यात आलेली नाही, यासोबतच सीसीटीव्ही कॅमेरेही लावलेले नाहीत.

जिममध्ये तज्ज्ञ आहारतज्ज्ञ नसल्याचेही पोलिसांना आढळून आले आहे. या सुविधा नसलेल्या 50 जिम बंद करण्यात आल्या आहेत. यासोबतच उर्वरित 200 जिमना सर्व दर्जा राखण्याच्या सूचना देण्यात आल्या आहेत. शहराचे डीसीपी सूरज राय यांनी याबाबत माहिती दिली.