Bandhwari Landfill Fire: गाझीपूरनंतर आता गुरुग्राममध्ये कचऱ्याच्या डोंगराला आग, पाहा व्हिडीओ
गुरुग्राममधील बांधवाडी येथील लँडफिल साइटला आग लागली, जाणून घ्या अधिक माहिती
Bandhwari Landfill Fire: दिल्लीच्या गाझीपूर लँडफिल साइटवरील ज्वाला पूर्णपणे थंडावल्याही नव्हत्या, जेव्हा एनसीआरमध्ये कचऱ्याचा आणखी एक डोंगर पेटू लागला. गुरुग्राममधील बांधवाडी येथील लँडफिल साइटला आग लागली. बांधवाडी लँडफिल साइटवरील कचऱ्याच्या ढिगाऱ्याला मंगळवारी सकाळी आग लागली. कचऱ्याच्या ढिगाऱ्यात आग वेगाने पसरली आणि धुराचे लोट दूरवर पसरू लागले. भीषण आगीमुळे आजूबाजूच्या परिसरात राहणाऱ्या नागरिकांना त्रास सहन करावा लागत आहे. आगीची माहिती मिळताच अग्निशमन दलाच्या गाड्या घटनास्थळी दाखल झाल्या होत्या.
पाहा व्हिडीओ:
गाझीपूरमध्ये अजूनही कचऱ्याचा डोंगर जळत आहे गाझीपूर लँडफिल साइटला लागलेली आग पूर्णपणे आटोक्यात आलेली नाही. लँडफिल साइटवर अनेक ठिकाणाहून धूर निघत असल्याने स्थानिकांना श्वास घेण्यास त्रास होत आहे.
रविवारी सायंकाळी साडेपाचच्या सुमारास लँडफिल साइटला लागलेली आग सोमवारी रात्री उशिरापर्यंत ९० टक्के आगीवर नियंत्रण मिळवण्यात आले. रात्री उशिरा एमसीडीने आपल्या निवेदनात म्हटले आहे की 90 टक्के आग विझवण्यात आली आहे आणि 3 हजार चौरस मीटर परिसरात सुमारे 40-50 लहान वेगळ्या ज्वाला शिल्लक आहेत.