Bigg Boss Marathi Season 3 Teaser: बिग बॉस मराठी सीझन 3 ची घोषणा; इथे पहा पहिली झलक (Watch Video)
नुकताच मराठी बिग बॉस सीझन 3 चा पहिला टीझर प्रदर्शित करण्यात आला आहे. कलर्स मराठी चॅनलच्या इंस्टाग्राम अकाऊंटवर त्याची पहिली प्रदर्शित झाली आहे.
हिंदी टेलिव्हिजन सोबतच प्रादेशिक भाषांमध्येही रिअ‍ॅलिटी शो मध्ये आपली हुकूमत गाजवणारा शो म्हणजे 'बिग बॉस'(Bigg Boss). मराठी मध्ये पहिल्या 2 सीझनला प्रेक्षकांकडून दमदार प्रतिसाद मिळाल्यानंतर आता तिसर्‍या सीझनची घोषणा करण्यात आली आहे. नुकताच मराठी बिग बॉस सीझन 3 चा पहिला टीझर (Bigg Boss Marathi Season 3 Teaser) प्रदर्शित करण्यात आला आहे. कलर्स मराठी चॅनलच्या इंस्टाग्राम अकाऊंटवर त्याची पहिली प्रदर्शित झाली आहे त्यामुळे आता तिसर्‍या सीझनमध्ये कोणते सेलिब्रिटी असतील, यंदाची थीम काय असेल अशा अनेक प्रश्नांबाबत रसिकांच्या मनात उत्सुकता वाढली आहे.
दरम्यान पहिल्या टीझरमध्ये केवळ तिसर्‍या सीझनची घोषणा करण्यात आली आहे. हळूहळू या शो बाबतचे अपडेट्स दिले जाणार आहेत. 'पुन्हा होणार कल्ला, पुन्हा होणार राडे आणि सदस्यांसोबत रंगणार खेळ दर्जेदार, कारण पुन्हा दिमाखात उघडणार बिगबॉसच्या घराचं दार' अशा कॅप्शन सह हा टीझर प्रदर्शित झाला आहे. दरम्यान काही दिवसांपूर्वी सलमान खानने हिंदी बिग बॉसच्या नव्या सीझनची देखील घोषणा केली आहे. पहा त्याचा देखील प्रोमो !
बिग बॉस मराठी सीझन 3 पहिली झलक
View this post on Instagram
A post shared by Colors Marathi Official Page (@colorsmarathiofficial) on
एप्रिल- मे महिन्यातच बिग बॉस सीझन 3 येणार अशी चर्चा होती मात्र कोरोना व्हायरसमुळे हा शो पुढे ढकलण्यात आला होता. दरम्यान आता येत्या एक ते दीड महिन्यात पुन्हा हा शो रसिकांच्या भेटीला येण्यासाठी सज्ज झाला आहे.
महेश मांजरेकर यांनी पहिल्या दोन सीझनचं अ‍ॅंकरिंग केले आहे. तर पहिल्या सीझनची विजेती मेघा घाडे होती तर दुसर्‍या सीझन मध्ये शिव ठाकरेने बिग बॉसचं विजेतेपद पटकावलं होतं.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)