Shreya Ghoshal X Account Hack: श्रेया घोषालचे एक्स अकाउंट हॅक; इंस्टाग्राम अकाउंटवर शेअर केली माहिती
प्रसिद्ध गायिका श्रेया घोषालचे एक्स (ट्विटर) अकाउंट 13 फेब्रुवारीपासून हॅक झाले आहे. तिने ते परत मिळवण्यासाठी अनेक प्रयत्न केले. परंतु आतापर्यंत सर्व प्रयत्न अपयशी झाले आहेत.
Shreya Ghoshal X Account Hack: प्रसिद्ध गायिका श्रेया घोषालने (Shreya Ghoshal) शनिवारी माहिती दिली की तिचे एक्स (ट्विटर) अकाउंट 13 फेब्रुवारीपासून हॅक झाले (Shreya Ghoshal X Account Hack) आहे आणि ती ते परत मिळवण्यासाठी सर्वतोपरी प्रयत्न करत आहे. परंतु, अद्यापपर्यंत तिला यश मिळालेले नाही. तिने ही माहिती तिच्या इंस्टाग्राम अकाउंटवर शेअर केली.
श्रेया घोषाल पोस्ट
श्रेयाने तिच्या पोस्टमध्ये लिहिले आहे की, "नमस्कार, चाहते आणि मित्रांनो. माझे ट्विटर / एक्स अकाउंट 13 फेब्रुवारीपासून हॅक झाले आहे. मी ते रिकव्हर करण्याचा प्रयत्न केला आहे आणि एक्स टीमशी देखील संपर्क साधला आहे, परंतु आतापर्यंत फक्त ऑटो-जनरेटेड रिप्लाय मिळाले आहेत."
खाते हटवूही शकत नाही
श्रेया घोषालला तिचे एक्स अकाउंट डिलीटही करता येत नाही. कारण, तिला अॅक्सेस मिळत नाही. तिने पोस्ट वर लिहिले की, "कृपया कोणत्याही लिंकवर क्लिक करू नका किंवा त्या अकाउंटवरून पाठवलेल्या कोणत्याही मेसेजवर विश्वास ठेवू नका. ते सर्व स्पॅम आणि फिशिंग लिंक्स असू शकतात. जर माझे अकाउंट रिकव्हर झाले आणि सुरक्षित झाले तर मी स्वतः ते सांगेन."
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)