भारतीय चित्रपटसृष्टीतील प्रसिद्ध आणि दिग्गज अभिनेते प्रदीप रावत यांचे वयाच्या ७४ व्या वर्षी निधन झाले आहे. 'लगान' आणि 'गजनी' यांसारख्या ब्लॉकबस्टर चित्रपटांमधील त्यांच्या उत्कृष्ट अभिनयासाठी ते ओळखले जात होते. त्यांचे सहकलाकार आणि जवळचे मित्र यशपाल शर्मा यांनी सोशल मीडियावर इन्स्टाग्रामद्वारे या दुःखाद बातमीची माहिती देत त्यांना भावपूर्ण श्रद्धांजली वाहिली आहे.

​सिनेविश्वावर शोककळा

प्रदीप रावत यांच्या निधनाची बातमी समोर आल्यानंतर बॉलिवूडसह दाक्षिणात्य चित्रपटसृष्टीतून तीव्र दुःख व्यक्त केले जात आहे. बी. आर. चोप्रा यांच्या ऐतिहासिक 'महाभारत' मालिकेत त्यांनी अश्वत्थामाची साकारलेली भूमिका प्रचंड गाजली होती. त्यानंतर त्यांनी हिंदी, तेलगू आणि तमिळ चित्रपटांमध्ये अनेक आठवणीत राहणाऱ्या नकारात्मक आणि सहाय्यक भूमिका साकारल्या.