Shah Rukh Khan: सांगलीच्या तरुणांनी असं काही केलं की खुद्द बॉलिवूडचा बादशाह शाहरुख खानने मानले आभार

तब्बल चार वर्षांच्या मोठ्या प्रतिक्षेनंतर बॉलिवूडचा बादशाह किंग खान मोठ्या पडद्यावर झळकणार आहे. येत्या २५ जानेवारीला शाहरुखचा बहुचर्चित सिनेमा पठाण प्रेक्षकांच्या भेटीला येणार आहे. अवघ्या तीन दिवसांनी शाहरुखचा पठाण मेगा स्क्रीन गाजवणार आहे. तरी अभिनेता शाहरुख खानच्या सांगलीतील चाहत्यांनी पठाण सिनेमासाठी अख्खं ऑडिटोरियम बुक केलं आहे. सांगलीतील Sangli SRK Universe या फॅनक्लबने ट्विटरवर एक फोटो शेअर केला, ज्यामध्ये त्यांनी पठाणसाठी संपूर्ण ऑडिटोरियम बुक केल्याची माहिती दिली. AskSRK असं लिहून आणि शाहरुखला टॅग करत हा फोटो शेअर केला असल्याने, शाहरुखपर्यंत हा फोटो पोहोचला आणि त्याने या चाहत्यांचे आभारही मानले. शाहरुखने लिहिले की, 'धन्यवाद आणि आशा करतो की तुम्हाला चित्रपट आवडेल'.