MHADA Update: ठाण्यातील म्हाडाच्या वसाहतींमधील सोसायट्यांना भाडेपट्टीवरील व्याज केले माफ

कोकण विकास आणि क्षेत्रविकास मंडळाने कर्जमाफी योजनेत (Debt waiver scheme) ठाण्यातील म्हाडा (MHADA) वसाहतींमधील सोसायट्यांना भाडेपट्ट्यावरील व्याज माफ केले आहे. ₹ 35Cr च्या कर्जमाफीचा लाभ ठाणे शहरातील पाचपाखाडी आणि सावरकर नगर सारख्या भागात राहणाऱ्या 3,500 कुटुंबांना होणार आहे. पाचपाखाडी आणि सावरकर नगर भागातील 110 सोसायट्यांसाठी विविध राजकीय पक्षांकडून मागणी करण्यात आली होती. तथापि, व्याजाची माफी आणि आकारण्यात आलेला कोणताही दंड ठाणे शहरातील सर्व म्हाडाच्या सोसायट्यांना लागू होईल. मात्र, या निर्णयामुळे राष्ट्रवादी आणि शिवसेना पक्षाच्या स्थानिक नेत्यांमध्ये श्रेयाची चुरस निर्माण झाली आहे.

वर नमूद केलेल्या दोन भागातील 110 सोसायट्यांमध्ये सुमारे 2,000 कुटुंबे राहतात तर आणखी 1,000 हून अधिक कुटुंबे ठाण्यातील इतर भागात राहतात. ज्या ठिकाणी सोसायट्या बांधल्या आहेत त्या जमिनी अजूनही म्हाडाच्या मालकीच्या आहेत.  स्थानिक रहिवाशांनी असा दावा केला होता की ते मूळ एनए कर भरण्यास तयार असताना, भाडेपट्टीवरील व्याज आणि व्याजावरील दंड खूप जास्त आहे आणि त्यांना परवडणारे नाही. हेही वाचा Ambedkar Jayanti: यंदा पुण्यात जल्लोषात साजरी होणार डॉ. बाबासाहेब आंबेडकर जयंती

कोकण गृहनिर्माण व क्षेत्रविकास मंडळाने दिलेल्या पत्रात अधिकाऱ्यांनी म्हटले आहे की, मुंबईच्या धर्तीवर कोकणातही कर्जमाफी योजना विस्तारित करण्याची मागणी करण्यात आली होती. हा प्रस्ताव आम्ही प्राधिकरणाच्या उपाध्यक्षांकडे पाठवला होता तो मंजूर झाला. कर्जमाफी योजनेनुसार, लोकांना थकबाकी भरण्यास प्रोत्साहित करण्यासाठी, 1 एप्रिल 1998 ते 31 मार्च 2022 पर्यंत रहिवासी आणि दुकान मालकांवर लादलेले व्याज माफ केले जाईल.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)