Maharashtra Board HSC Result 2026 On DigiLocker: महाराष्ट्र बोर्ड 12 वीचा निकाल आज दुपारी 1 वाजता; डिजीलॉकरवर 'असा' पाहा तुमचा निकाल
महाराष्ट्र राज्य माध्यमिक व उच्च माध्यमिक शिक्षण मंडळाचा इयत्ता १२ वीचा (HSC) निकाल आज दुपारी १ वाजता जाहीर होणार आहे. अधिकृत वेबसाईटवर येणारा तांत्रिक ताण टाळण्यासाठी डिजीलॉकरवरून गुणपत्रिका कशी डाउनलोड करावी, याची सविस्तर माहिती.
महाराष्ट्र राज्य माध्यमिक व उच्च माध्यमिक शिक्षण मंडळाचा इयत्ता १२ वीचा (HSC) निकाल आज, २ मे २०२६ रोजी दुपारी १ वाजता ऑनलाईन जाहीर केला जाणार आहे. राज्यातील लाखो विद्यार्थी आणि पालकांची प्रतीक्षा आज संपणार आहे. यंदा बोर्डाने अधिकृत निकालासोबतच 'डिजीलॉकर' (DigiLocker) वरूनही गुणपत्रिका डाउनलोड करण्याची सोय उपलब्ध करून दिली आहे.
डिजीलॉकरवर निकाल पाहण्याची प्रक्रिया
वेबसाईटवर एकाच वेळी अनेक विद्यार्थी आल्यास सर्व्हरवर ताण येऊ शकतो. अशा वेळी डिजीलॉकरचा वापर करणे सोपे ठरते. निकाल पाहण्यासाठी खालील स्टेप्स फॉलो करा:
१. तुमच्या मोबाईलमधील DigiLocker ॲप उघडा किंवा digilocker.gov.in या पोर्टलवर जा.
२. आधार नंबर किंवा मोबाईल नंबर वापरून लॉग-इन (Log-in) करा.
३. 'Search' टॅबमध्ये जाऊन 'Maharashtra State Board' सर्च करा.
४. त्यानंतर 'Class XII Marksheet' हा पर्याय निवडा.
५. तुमचा रोल नंबर (Seat Number) आणि परीक्षेचे वर्ष (2026) ही माहिती भरा.
६. 'Get Document' वर क्लिक करताच तुमची डिजिटल गुणपत्रिका तुमच्या स्क्रीनवर दिसेल.
निकाल पाहण्यासाठी अधिकृत संकेतस्थळे
विद्यार्थी खालीलपैकी कोणत्याही अधिकृत वेबसाईटवर जाऊनही आपला निकाल पाहू शकतात:
mahresult.nic.in
hscresult.mkcl.org
mahahsscboard.in
निकाल पाहताना ही माहिती सोबत ठेवा
निकाल पाहण्यासाठी प्रत्येक विद्यार्थ्याकडे त्याचा 'सीट नंबर' (Seat Number) आणि 'आईचे नाव' (Mother's Name) असणे आवश्यक आहे. डिजीलॉकरवर आधार कार्ड लिंक असल्यास तुमची डिजिटल स्वाक्षरी असलेली मूळ गुणपत्रिका तात्काळ उपलब्ध होऊ शकते. ही डिजिटल प्रत कॉलेजमधील तात्पुरत्या प्रवेशासाठी ग्राह्य धरली जाते.