Free Aadhaar Card Update: मोफत आधार कार्ड अपडेट करण्याची अंतिम मुदत पुन्हा वाढवली; जाणून घ्या नवी तारीख

Aadhaar Card Update: जर तुम्ही गेल्या 10 वर्षांत एकदाही तुमचे आधार कार्ड (Aadhaar Card) अपडेट केले नसेल, तर तुमच्यासाठी एक महत्त्वाची बातमी आहे. आधार कार्ड मोफत अपडेट करण्यासाठी 14 जून 2024 ही तारीख निश्चित केली होती. आज शेवटचा दिवस होता, मात्र त्याआधीच सरकारने या तारखेमध्ये बदल केला आहे. आता आधार कार्ड मोफत अपडेट करण्याची अंतिम तारीख 14 सप्टेंबर निश्चित करण्यात आली आहे. तारखेमध्ये सरकारने तिसऱ्यांदा बदल केला आहे. अशा परिस्थितीत, शक्य तितक्या लवकर आपले आधार कार्ड अपडेट करणे आपल्यासाठी चांगले आहे.

माय आधार पोर्टलवर आधार कार्ड अपडेटिंग मोफत होत आहे. आधार हा 12-अंकी अद्वितीय ओळख क्रमांक आहे जो भारतीय नागरिकांना बायोमेट्रिक आणि लोकसंख्याशास्त्रीय माहितीवर आधारित आहे. तुम्ही आधार ऑफलाइन सहजपणे अपडेट करू शकता. यासाठी तुम्हाला जवळच्या आधार केंद्रावर जावे लागेल, मात्र या ठिकाणी तुम्हाला 50 रुपये शुल्क भरावे लागेल. आधार मोफत अपडेट करण्याची सेवा फक्त माय आधार पोर्टलवर उपलब्ध आहे. जर तुम्ही अंतिम मुदतीनंतर कोणतेही कागदपत्र अपलोड केले तर तुम्हाला 50 रुपये शुल्क भरावे लागेल.

आधार अपडेटसाठी तुम्हाला दोन महत्त्वाच्या कागदपत्रांची आवश्यकता असेल. पहिले ओळखपत्र आणि दुसरा पत्ता पुरावा. तुम्ही ओळखीचा पुरावा म्हणून पॅन कार्ड आणि पत्त्यासाठी मतदार कार्ड देऊ शकता.

घरबसल्या असे अपडेट करा आधार कार्ड-

• आपल्या मोबाइल किंवा लॅपटॉपवरून UIDAI वेबसाइटवर जा.
• यानंतर ओटीपीद्वारे लॉग इन करा.
• नंतर अपडेट आधारच्या पर्यायावर क्लिक करा. यानंतर तुमची प्रोफाइल दिसेल. आता तुम्हाला बदलायची असलेली माहिती अपडेट करा.
• आता खालील ड्रॉप लिस्टमधून ओळखपत्राची स्कॅन केलेली प्रत आणि पत्ता पुरावा अपलोड करा व सबमिट वर क्लिक करा.
• यानंतर तुम्हाला एक विनंती क्रमांक मिळेल आणि फॉर्म सबमिट केला जाईल.
• तुम्ही विनंती क्रमांकावरून अपडेटची स्थिती देखील तपासण्यास सक्षम असाल. काही दिवसांनी तुमचा आधार अपडेट होईल. (हेही वाचा: गृहनिर्माण योजनेतील सदनिका मुस्लिम कुटुंबास वाटण्यास वडोदरा येथील नागरिकांचा विरोध)

तुमच्या नोंदणीकृत मोबाईल नंबरवर 14 अंकी अपडेट रिक्वेस्ट नंबर पाठवला जाईल. याद्वारे तुम्ही तुमच्या आधार अपडेट स्टेटसचा मागोवा घेऊ शकाल, जेव्हा आधार कार्ड अपडेट होईल तेव्हा तुम्हाला मेल किंवा मेसेजमध्ये अपडेट केले जाईल.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)