Delhi: दिल्लीत वैद्यकीय तपासणीदरम्यान मद्यधुंद व्यक्तीने तीन डॉक्टरांवर केला हल्ला

Delhi: उत्तर-पश्चिम दिल्लीतील बाबू जगजीवन राम मेमोरियल हॉस्पिटलच्या सीएमओसह तीन डॉक्टरांवर २५ वर्षीय तरुणाने हल्ला केला. या हल्ल्यात डॉक्टर जखमी झाले आहेत. सार्वजनिक ठिकाणी राडा घालणाऱ्या  आरोपीला पोलिसांनी अटक केली होती. पोलिसांनी त्याला मद्यधुंद अवस्थेत वैद्यकीय तपासणीसाठी रुग्णालयात आणले. IANS कडे उपलब्ध FIR नुसार, पोलिसांनी 15 मार्च रोजी दुपारी 1.12 वाजता आरोपी राहुलला वैद्यकीय तपासणीसाठी रुग्णालयाच्या अपघात विभागात आणले. दरम्यान, राहुल हा दारू प्यायलेला होता.

एफआयआरनुसार, तपासादरम्यान राहुलने गैरवर्तन आणि शिवीगाळ करण्यास सुरुवात केली. यानंतर त्यांनी डॉ. शिवरतन, डॉ. चिन्मय आणि मुख्य वैद्यकीय अधिकारी (सीएमओ) डॉ. के. शांता सिंग यांच्यावर हल्ला केला. एफआयआरमध्ये सीएमओने म्हटले आहे की, "त्याने डॉ. शिवरतन यांचा शर्ट फाडला, त्यांना धमकावले आणि जखमी केले." त्यात त्याने आम्हाला जीवे मारण्याची धमकी दिली. मला चापट मारली आणि माझा शर्टही फाडला. त्यांनी डॉ. चिन्मय यांनाही मारहाण केली, त्यामुळे ते जखमी झाले आणि ड्युटीवर असलेल्या कर्मचाऱ्यांशीही गैरवर्तन केले, असे डॉ. शिवरतन यांनी सांगितले.

एफआयआरनुसार, त्याने डॉक्टरांच्या खोलीतील टेबल आणि खुर्ची, बीपी मशीन, एमएलसी रजिस्टर आणि रुग्णालयातील इतर कागदपत्रे तसेच दरवाजे यासह रुग्णालयाच्या मालमत्तेचे नुकसान केले. या घटनेमुळे आपत्कालीन आणि अपघातग्रस्त सेवा दोन तासांहून अधिक काळ विस्कळीत झाली होती.

उत्तर पश्चिम दिल्लीचे डीसीपी जितेंद्र मणी यांनी या घटनेला दुजोरा देत सांगितले की, आरोपी राहुलला अटक करण्यात आली आहे. पोलिसांनी आरोपीविरुद्ध भादंविच्या कलमांखाली गुन्हा दाखल केला आहे.